Mınıstrdiń aıtýynsha, aldaǵy ýaqytta jekemenshik mektepter tek naqty qajettilik bar óńirlerde ǵana ashylady.
– Bolashaqta jekemenshik mektepter tek úsh aýysymdy jáne apatty jaǵdaıdaǵy mektepterdiń ornyn basý qajet bolǵanda, sondaı-aq memlekettik mektepter tapshylyǵy bar óńirlerde ǵana ashylatyn bolady. Lısenzııalar da osy talaptarǵa sáıkes beriledi, – dedi Juldyz Súleımenova.
Aıda Balaeva: Jekemenshik mektepterdiń kóbeıýi bilim sapasyn tómendetti
Zańnama aıasynda jekemenshik mektepterdiń quryltaıshylaryna qoıylatyn talaptar da kúsheıtiledi. Olar bilim berý sapasyna, pedagogterdiń biliktilik deńgeıine jáne oqýshylardyń qaýipsizdigin qamtamasyz etýge tikeleı jaýapty bolady.
Sonymen qatar mektep dırektorlaryn taǵaıyndaý tártibi de ózgeredi. Endi bul sheshimder tek quryltaıshylardyń qalaýymen emes, salalyq mınıstrlikpen jáne jergilikti atqarýshy organdarmen kelisý arqyly qabyldanady.
Qazirgi tańda elimizde 785 jekemenshik mekteptiń qujattary sıfrlandyrylǵan. Jalpy lısenzııasy bar jekemenshik mektepterdiń sany 890-ǵa jetip otyr.
Úkimet sondaı-aq jańadan ashylatyn jekemenshik mektepterge memlekettik bilim berý tapsyrysyn ornalastyrýǵa moratorıı engizýdi josparlap otyr.
