Kompanııanyń málimetinshe, jarnamalyq monetızasııa jazylym úshin aqy tólegisi kelmeıtinderge keıbir shekteýlerdi alyp tastaýǵa kómektesedi. Sonymen qatar, kompanııa jumys isteıtin barlyq elderde ChatGPT Go tarıfin qoljetimdi etedi. Paıdalanýshylar aıyna 8 dollarǵa habar almasý, keskin jasaý, faıldardy basqarý jáne chat-bot jady boıynsha keńeıtilgen qyzmetterdi alady.
Testileý AQSh-ta bastalyp, sodan keıin basqa elderge taralady. Jarnamany tek kámeletke tolǵan avtorızasııadan ótken paıdalanýshylar kóredi. Habarlandyrýlar ChatGPT jaýaptarynyń tómengi jaǵynda paıda bolady jáne suraý taqyrybyna sáıkes keledi. Olar negizgi mátinnen bólinip, vızýaldy túrde anyq erekshelenedi.
Cybernet AI túrki tilderine arnalǵan eń iri jasandy ıntellekt modelin tanystyrdy
OpenAI jarnamanyń neırondyq jaýaptardyń sapasyna áser etpeýin qamtamasyz etedi. Hat-habarlar qupııa bolyp qalady — jarnama berýshiler olarǵa qol jetkize almaıdy. Parametrlerde jekelendirýdi basqarýǵa, jeke jarnamalardy jasyrýǵa nemese aqyly tarıfke ótý arqyly jarnamalardy tolyǵymen óshirýge bolady.
Testileý kezinde júıe jarnamany kámeletke tolmaǵandarǵa jarnamany kórsetpeıdi. Sondaı-aq densaýlyq, psıhıkalyq jaǵdaı jáne saıasat aıasyndaǵy taqyrypqa sáıkes jarnama bolmaıdy.
Bolashaqta OpenAI jarnamalanǵan ónimder týraly tikeleı dıalogta suraqtar qoıýǵa múmkindik beretin ınteraktıvti formattardy qosa alady. Alaıda, kompanııanyń negizgi nazary aqyly jazylymdarda qalady, al jarnama tek qosymsha tabys kózi bolmaq.
Osy aptada OpenAI kompanııasy ChatGPT negizinde avtonomdy veb-aýdarma quralyn iske qosty.
