Foto: Douche Welle
Narazylyq AQSh prezıdenti Donald Tramptyń juma kúni jasaǵan málimdemesinen keıin uıymdastyryldy. Tramp AQSh-tyń Grenlandııany baqylaýǵa alý josparyna qarsy shyǵatyn elder «taýarlaryna baj salyǵyn engizýi múmkin» ekenin eskertken.
Aıta keteıik, bul jappaı aksııa AQSh Kongresiniń eki partııadan quralǵan delegasııasynyń Kopengagenge saparymen tuspa-tus keldi. Delegasııa ókilderi Tramp ákimshiliginiń Grenlandııaǵa qatysty qatań málimdemelerimen kóptegen amerıkalyqtar kelispeıtinin jetkizgen.
Kopengagendegi sherýde narazylyq bildirýshiler Danııa men Grenlandııanyń jalaýlaryn jelbiretip, ákimdik ǵımaraty aldynda qyzyl-aq tústen quralǵan «teńiz» qalyptastyrdy. Olar ınýıt tilindegi aral ataýyn aıtyp, «Kalaallıt Nýnaat!» dep urandatqan.
«Maqsat – Grenlandııa demokratııasyna jáne negizgi adam quqyqtaryna qurmet kórsetýdi talap etetin anyq ári birtutas sıgnal jiberý», delingen Danııadaǵy grenlandııalyqtardyń Uagut qaýymdastyǵynyń saıtynda.
Uıymdastyrýshylardyń málimetinshe, dál osyndaı demonstrasııa Grenlandııa astanasy Nýýkta da josparlanǵan. Ol AQSh-tyń «Grenlandııany baqylaýǵa alý jónindegi zańsyz josparyna» qarsylyq retinde ótpek.
