Aıtalyq, búginde elimizdiń 20 óńirinde halyqqa kásibı psıhologııalyq jáne ádistemelik kómek kórsetetin Psıhologııalyq qoldaý ortalyqtary bar. 2025 jyldyń qorytyndysyna qarasaq, ortalyq mamandary ótken on eki aıda 48 019 jeke psıhologııalyq keńes ótkizgen. Onyń ishinde olar 23 885 kámeletke tolmaǵan balaǵa, 14 898 ata-anaǵa, 9 236 pedagogke keńes berdi.
1200-ge jýyq múmkindigi shekteýli jan emdik jáne psıhologııalyq kómek aldy
Bul kórsetkishter psıhologııalyq saýlyq jáne daǵdarys jaǵdaılarynyń aldyn alý máselelerine qoǵamnyń erekshe kóńil bólip otyrǵanyn kórsetedi.
Búgingi tańda elimizdiń bilim berý uıymdarynda oqýshylar men olardyń ata-analaryna psıhologııalyq-pedagogıkalyq qoldaý kórsetetin 9 myńnan astam maman jumys isteıdi. Osyǵan qosa kún saıyn azamattardyń ótinishterin qabyldaıtyn «111» biryńǵaı baılanys ortalyǵy arqyly jedel kómek alýǵa da bolady.
