Kezdesý barysynda Parlamentarızm ınstıtýtynyń dırektory Natalıa Pan azamattardan, sarapshylardan jáne qoǵamdyq birlestikterden e-Otinish pen eGov elektrondy platformalary arqyly joldanǵan usynystar jóninde baıandama jasady. Onyń aıtýynsha, bastamalar eldegi saıası júıeni jańǵyrtýǵa, memlekettik basqarý tetikterin jetildirýge jáne bılik pen qoǵam arasyndaǵy baılanysty kúsheıtýge baǵyttalǵan.
Birneshe aıdyń ishinde konstıtýsııalyq reformaǵa qatysty barlyq saıası partııalar, ondaǵan úkimettik emes uıym, bıznes-qoǵamdastyq ókilderi, quqyqtanýshy ǵalymdar men salalyq sarapshylar óz kózqarasy men naqty usynystaryn usynǵan. Usynystardyń bir bóligi Parlamenttiń rólin kúsheıtýge, ókilettikterdi qaıta bólýge jáne saıası ınstıtýttardyń tıimdiligin arttyrýǵa qatysty.
Parlamenttik reformadan bólek, Jumys tobyna azamattardan memlekettik qurylymnyń jalpy máseleleri, sondaı-aq saıası jáne qoǵamdyq ınstıtýttardy damytý joldary jóninde shamamen 1,6 myń usynys kelip túsken. Bul bastamalar aldaǵy reformalardyń mazmunyn aıqyndaýda eskeriletini atap ótildi.
