Foto: gov.kz
Birinshi aptanyń qorytyndysy boıynsha talapkerlerdiń – 60,3%-y shekti ball jınady. Bes pán boıynsha ortasha ball – 57 baldy qurady. Eń joǵary nátıje retinde 131 ball tirkeldi.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa 156 talapker qatysqan.
«Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıasııaǵa berý quqyǵy bar. Tehnıkalyq sebepter boıynsha apellıasııa tikeleı testileý kezinde qabyldanady. Test nátıjesi kórsetilgen sertıfıkattar apellıasııa qarastyrylǵannan keıin jeke kabınetterde qoljetimdi bolady», delingen Ǵylym jáne joǵary bilim mınıstrliginiń habarlamasynda.
Aldaǵy 3 jylda UBT tapsyrmalary halyqaralyq standarttarǵa sáıkestendiriledi
UBT-nyń birinshi aptasynda 94 ereje buzýshylyq anyqtaldy. 56 talapker smartfon, shpargalka jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 38 adam testileý kezinde erejelerdi buzǵany úshin aýdıtorııadan shyǵarylyp, olardyń nátıjeleri joıyldy. Al ózge adamdardyń ornyna kirý faktileri anyqtalmaǵan.
2026 jylǵy UBT aıaqtalǵannan keıin osy jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
Osy kezeńdegi testileýge qatysýǵa 187 myńǵa jýyq ótinish kelip tústi.
Aıta keteıik, mınıstrlik UBT transformasııasy 2027 jyly bastalatynyn habarlap otyr.
