Foto: Ashyq derekkóz
2025 jyldyń qazan aıynda memlekettik organnyń ınspektorlary Almaty men Astananyń áýe aılaqtaryna óz ınspektorlaryn jiberip, jolaýshylarǵa saýalnama júrgizip, reısterdiń keshigýin baqylaǵan.
Monıtorıng barysynda mamandar áýe kóligimen jolaýshylardy tasymaldaý qaǵıdalaryn buzý faktilerin anyqtady. Azamattyq avıasııa komıteti FlyArystan (eki hattama) men SCAT (bir hattama) kompanııalaryna ákimshilik quqyq buzýshylyq týraly hattama toltyrǵan.
Informburo.kz saýalyna jaýap bergen FlyArystan áýe kompanııasynyń baspasóz qyzmeti 2025 jylǵy 4 jeltoqsanda ákimshilik quqyq buzýshylyqtar jónindegi mamandandyrylǵan aýdanaralyq soty atalǵan ister boıynsha óndiristi toqtatqanyn málimdegen. Buǵan quqyq buzýshylyq quramynyń bolmaýy sebep bolǵan. Qaýly zańdy kúshine engen.
Sondaı-aq Qazaqstannyń Avıasııalyq ákimshiliginde Almaty men Astana áýejaılary jalpy alǵanda reısterdiń ýaqtyly oryndalýy boıynsha joǵary deńgeı kórsetip otyrǵany atap ótilgen.
Astana áýejaıynda aýa raıyna baılanysty birqatar reıs keshiktirildi
Degenmen áýejaı operatorlaryna áýe kemelerine qyzmet kórsetýdiń tehnologııalyq kestesin ýaqytyly oryndaý úshin úderisterdi jetildirý, sondaı-aq jolaýshylarǵa kórsetiletin qyzmetterdiń sapasyn baqylaý boıynsha usynymdar berilgen.
