Taý daıyndyǵy ortalyǵynyń nusqaýshylary men Qorǵanys mınıstrligine qarasty áskerı joǵary oqý ornynyń medısına qyzmetkerleri aksııanyń qaýipsizdigin qamtamasyz etti. Qurlyq áskerleri ınstıtýty bastyǵynyń orynbasary, polkovnık Danııar Qudaıbergenovtiń aıtýynsha, joryqqa «tárbıe jáne ıdeologııalyq jumysty uıymdastyrý» mamandyǵy boıynsha bilim alyp jatqan kýrsanttar qatysqan.
Qarý asynǵanǵa – qaryz joq: Sarbazdarǵa nesıe berýge nege tyıym salynbaq?
«Búgin áskerlerdiń moraldyq-psıhologııalyq jaǵdaıyna, áskerı ujymdarda qolaıly ahýal qalyptastyrýǵa jáne áskerı qyzmetshilerdiń patrıottyq rýhyn kóterýge jaýapty mamandar kásibı merekesin atap ótip jatyr. Bolashaq tárbıeshi ofıserlerge olardyń mamandyǵy tek bilimdi ǵana emes, sonymen qatar tózimdi bolýdy, komandamen birlese jumys isteı bilýdi jáne jeke jaýapkershilikti talap etetinin kórsetý biz úshin óte mańyzdy», dep atap ótti ol.
Ant berý rásimindegi tosynsyı: Astanada sarbaz súıiktisine usynys jasady
Shyńdy baǵyndyrýǵa Qurlyq áskerleri áskerı ınstıtýtynan, Radıoelektronıka jáne baılanys áskerı-ınjenerlik ınstıtýtynan, IIM akademııasynan, UQK akademııasynan jáne Shekara akademııasynan on kýrsanttan qatysty. Radıoelektronıka jáne baılanys áskerı-ınjenerlik ınstıtýtynyń kýrsanty Darhan Dúısenbek bul aksııa qatysýshylarǵa óz múmkindikterin baǵalaýǵa jáne komandalyq rýhty sezinýge múmkindik bergenin aıtty.
