Palata spıkeri qatysýshylarǵa iltıpat bildirip, el ómirindegi úderisterdi tereń taldap, memlekettiń damýyna eleýli úles qosýdy kózdeıtin qoǵamdastyqtyń qalyptasýy Senattyń bes jyl boıy túrli saladaǵy sarapshylarmen júıeli ózara is-qımylynyń nátıjesi ekenin atap ótti. Olar zań shyǵarý baǵytynda birlesip jumys isteý, óńirlik jobalardy ázirlep, iske asyrýǵa septigin tıgizgen.
Sonymen qatar M.Áshimbaev Senat janyndaǵy Taldaý mektebi men Sarapshylar klýby jas mamandardyń analıtıkalyq qabileti men sıfrlyq múmkindigin keshendi túrde jetildirýge, olardyń boıyna jasampaz qundylyqtardy sińirýge yqpal etetinin aıtty. Mundaı qadam memlekettik basqarýdy ózgertýge, ony odan ári ıkemdi, zamanaýı, ınnovasııalyq etýge múmkindik beredi.
– Prezıdent Qasym-Jomart Toqaev analıtıkalyq qabiletteri joǵary, tyń tásilderdi meńgergen mamandardyń jańa tolqynyn daıarlaýdyń mańyzdy ekenin únemi aıtyp keledi. Qazir kez kelgen sheshim kóptegen faktordy eskerýdi talap etedi. Al analıtıka basqarý júıesindegi strategııalyq mańyzdy tetikke aınalyp otyr. Bul rette taldaý qabileti men zamanaýı sıfrlyq múmkindiktiń úılesimi de asa mańyzdy. Taldaý mektebi – osy baǵyttaǵy maqsat-mindetterdi iske asyrýǵa qosqan bizdiń naqty úlesimiz, – dedi M.Áshimbaev.
Senat tóraǵasy «JI dáýirindegi memlekettik basqarý jáne taldaý» taqyrybyndaǵy dárisi kezinde kásibı keısterge toqtalyp, keńesterin bólisti. Sondaı-aq analıtıkterdiń otandyq, sondaı-aq álemdik tájirıbesinde qoldanylatyn trendter men paıdaly tetikterge, úlken derektermen jumys isteý ádisterine toqtaldy. Palata spıkeri álemde bolyp jatqan úderisterdiń ózara baılanysyna, olardyń zertteý kezinde eskerilýge tıis ekenine de erekshe mán berdi.
Mekteptiń bıylǵy dárister baǵdarlamasy «Smart Governance: tıimdi basqarý qajetti derekter, analıtıka jáne jasandy ıntellekt» taqyryby aıasynda ázirlengen. Onyń barysynda «Ýrbanıstıka, bolashaq qalalar jáne óńirlik damý», «Energetıka jáne ornyqty ınfraqurylym», «Ekologııa jáne klımattyq saıasat», «Agroónerkásip jáne aýyldyq jerlerdiń ornyqty damýy», «Inklıýzıvtilik jáne áleýmettik saıasat», «Bilim jáne adam kapıtaly», «Proaktıvti memlekettik basqarý» sekildi 7 negizgi baǵyt boıynsha baıandamalar daıyndalady. Árbir top komandamen jumys tásilderin damyta otyryp, analıtıkalyq jobalarmen jumys isteıdi. Sondaı-aq analıtıkalyq materıaldar ázirleý men sheshim qabyldaý daǵdylaryn jetildiredi.
Sonymen qatar tálimgerlermen komandalyq jumys taldaýshylar úshin kásibı netvorkıng baǵytynda bolmaq. Mentorlardyń qatarynda óz salalaryndaǵy jetekshi mamandar – memlekettik qurylymdardyń, ǵylymı, halyqaralyq uıymdardyń ókilderi, otandyq, sheteldik sarapshylar, sondaı-aq, oqytý modýlderiniń ár baǵyty boıynsha tıisti ortalyq memlekettik organdardyń basshylary bar. Olardyń bári tálimgerlikke volonterlik negizde tartylady.
Soǵan sáıkes alǵashqy kúnde Ǵylym jáne joǵary bilim mınıstri Saıasat Nurbek, minez-qulyq ǵylymdary jáne derekterdi taldaý salasynyń mamany, Smart-júıelerdi sıfrlandyrý men damytý baǵytynda álem moıyndaǵan sarapshy, Sıngapýrdan kelgen doktor Rýben Eng, sondaı-aq, strategııalyq jáne daǵdarystyq kommýnıkasııalar jónindegi sarapshy, moderator, komandalyq bilim berý jáne baǵdardy túsiný jóninde strategııalyq sessııa ótkizgen Erbol Ismaılov dáris oqydy.
Besinshi kezeńdegi oqytý baǵdarlamasy segiz aptaǵa jalǵasady. Sonyń qorytyndysy boıynsha analıtıkalyq materıaldar jınaǵy jaryq kóredi. Usynymdar jınaqtalǵan bul qorytyndy qujat Parlament depýtattaryna, sondaı-aq tıisti memlekettik organdarǵa aldaǵy qyzmette nazarǵa alý úshin joldanady.
Sarapshylardyń buǵan deıingi kezeńder men jańa besinshi lek kezindegi beıne dáristerin Taldaý mektebiniń resmı YouTube arnasynan kórýge bolady.
