Shaqyrtýlar Astana, Almaty qalasynda, Túrkistan oblysynda jıi tirkelgen. Jan saqtaý kórsetkishi 8,2%-ǵa ósip, 60,3%-dy quraǵan. Shuǵyl sanat boıynsha jedel medısınalyq járdem brıgadasyn shaqyrtýdyń ortasha ýaqyty – 1,7 mınýt, jedeldiktiń birinshi sanaty boıynsha jetýdiń ortasha ýaqyty 8,8 mınýtty quraıdy. Shaqyrýlardyń basym úlesi tynys alý aǵzalarynyń aýrýlaryna tıesili. Jedel járdem dál osyndaı sebeppen 1 778 189 mekenjaıǵa barǵan. Bul paıyzǵa shaqqanda jalpy shaqyrýdyń 23,8%-y. Sol sekildi júrek-qan tamyrlary aýrýlary sebebimen – 1 434 483 (19,2%), basqa aýrýlar – 1 249 223 (16,7%), jaraqattar, ýlaný, jazataıym oqıǵalar – 735 183 (9,8%), sonyń ishinde jol-kólik oqıǵalary – 40 972, nevrologııalyq aýrýlar – 714 915 (9,6%).
О́tken jyly jol-kólik oqıǵalary saldarynan 52 097 adam zardap shekse, onyń 64,3%-y stasıonarlarǵa jetkizilgen. Qaza tapqandardyń úlesi zardap shekkender sanynyń 2,4%-yn qurady. Jol-kólik oqıǵasy kezinde jetýdiń ortasha ýaqyty – 8 mınýt. Osyǵan qosa, jedel járdem qyzmeti jiti mıokard ınfarktisi jóninde 27 378 shaqyrtýǵa, ınsýltke qatysty 52 207 shaqyrtýǵa qyzmet kórsetipti.
Búginde elimiz kóleminde bir aýysymda 1 618 kóshpeli brıgada, onyń ishinde 258 mamandandyrylǵan dárigerlik, 1 360 feldsherlik top jumys isteıdi. Jedel medısınalyq járdem qyzmetiniń kadrlarmen qamtylýy 86,8%-dy quraıdy. Onyń ishinde dárigerlermen qamtylýy – 74,8%, orta medısına qyzmetkerlerimen qamtylýy – 88,1%.
