Sýret: sknews.kz
Ulttyq ǵylym akademııasy forsaıt tásilin turaqty josparlaý quralyna aınaldyrýǵa qol jetkizdi. Eki jyl ishinde óńirlik jáne salalyq sessııalar ótkizip, 220 perspektıvaly mindet pen 65 ǵylymı-tehnıkalyq tapsyrma ázirledik.
Osyǵan deıin jetkilikti kóńil bólmeý saldarynan kóptegen ǵylymı mektepten aıyrylyp qaldyq. Osyǵan baılanysty Ulttyq ǵylym akademııasy «Korea Institute of Science and Technology Information» uıymymen birlesip «AI SilkNet» ortalyǵyn qurdy. Bul bizge álemdegi jańa tehnologııa týraly keńinen derek alýymyzǵa múmkindik beredi. Ǵylymdaǵy ozyq tehnologııamen qatar kúni ótken ádisterdi de osy ortalyq arqyly anyqtap, ózimizge tıimdisin tańdaı alamyz. Búgingi sessııa otyrysynda alda osy bastamany damytyp, Ortalyq Azııadaǵy qyzmet etetin aqparattyq ortalyqqa aınaldyrýǵa bolatyny jóninde usynys
aıttym.
О́ńirlik ǵylymdy damytý da alda turǵan úlken máseleniń biri. Bizdegi ǵalymdardyń deni Astana men Almaty qalasynda shoǵyrlanǵan. Bólingen qarjynyń kóp bóligi osy qalalar úlesine tıedi. О́ńirlik ǵylym túrli baǵyttaǵy qoldaýlardan da qaǵajý qalyp keledi. Ǵylymnyń ekonomıkany damytýǵa áserin arttyrý úshin osyǵan jete mán berýimiz kerek.
Aqylbek KÚRIShBAEV,
Ulttyq ǵylym akademııasynyń prezıdenti
