Foto: vıdeodan alynǵan kadr
Aktóbe oblysyndaǵy Tótenshe jaǵdaılar departamentiniń málimetinshe, ǵımaratta ystyq sýmen jabdyqtaýǵa paıdalanylǵan gaz jabdyǵy jarylǵan.
«12 lıtrlik gaz ballonyndaǵy gaz-aýa qospasynyń kenet tutanýy saldarynan gaz ben jalyn syrtqa shyǵyp, sonyń saldarynan ǵımarat opyrylǵan», delingen vedomstvo taratqan aqparatta.
Oqıǵa ornyna qatysty beınejazbalar áleýmettik jelide tarady. Jarylys kópqabatty turǵyn úılerdiń mańynda ornalasqan bir qabatty shaǵyn ǵımaratta bolǵan. Kýágerlerdiń aıtýynsha, jarylystyń kúshi sonshalyq, jaqyn mańdaǵy birneshe podezdiń terezeleri synǵan. Jarylystyń ózi de beınebaqylaý kamerasyna túsip qalǵan.
Túrkistan oblysynda bir otbasynyń úsh adamy kómirqyshqyl gazynan ýlanyp qaza tapty
Oblystyq densaýlyq saqtaý basqarmasynyń dereginshe, aýdandyq aýrýhanaǵa kúıik jaraqatymen bes adam jetkizilgen. Olardyń biri jansaqtaý bóliminde jatyr, denesiniń shamamen 20 paıyzy kúıgen. Taǵy tórt adam travmatologııa bóliminde em qabyldap jatyr.
Qazir oqıǵanyń sebepteri men mán-jaıy anyqtalyp jatyr.
