Foto: Úkimet
Aldymen dıametri 400 mıllımetr bolatyn magıstralde aqaý tirkelip, keshe sol aýmaqta taǵy tótenshe jaǵdaı anyqtalǵan. Saldarynan qaladaǵy 7 yqshamaýdanda ornalasqan ǵımarattardyń jylý temperatýrasy kúrt túsip ketken. Bul qatarda balabaqsha, aýrýhana syndy áleýmettik mańyzy bar nysandar men bıznes ortalyqtar bar.
KTK málimetinshe, jazda qala bıligi jylý jelileriniń 1 shaqyrymyn jańartqanymen, aqaý shyqqan aýmaq bul jospardan tys qalǵan.
Temirtaý qalasy ákiminiń orynbasary Rınat Qydyrbekovtiń aıtýynsha, qazir aqaý shyqqan aýmaqta jóndeý jumystary júrgizilip jatyr.
Astanada taǵy bir gaz jylý stansııasynyń qurylysy bastaldy
«№2 jylý magıstralinde dıametri 320 mıllımetrlik qubyrdan aqaý shyqty. Qazir ony aýystyryp jatyrmyz. Jaqyn arada jumystar tolyq aıaqtalady. Keıin nysandar qaıta jylý jelisine qosylady», dedi Temirtaý qalasy ákiminiń orynbasary.
Buǵan deıin Temirtaýda 8-shi shaǵyn aýdan men Otradnoe kóshelerin jylýmen qamtamasyz etetin magıstraldy jylý qubyrynda apat bolǵan. Oqıǵa saldarynan 40 kópqabatty úı men ondaǵan jeke turǵyn úı jylýsyz qalǵan edi.
