Joba operatory East Star Com.kz kompanııasyna 2025 jylǵy jeltoqsanda 7 jyl merzimge jyldyq 6 paıyzdyq jeńildetilgen mólsherlememen 480 mln teńge bólindi. Investısııanyń jalpy kólemi 1,5 mlrd teńgege jetedi, sonyń 1 mlrd teńgesi kompanııanyń óz qarajaty esebinen baǵyttalady.
Qasym-Jomart Toqaev KazPan sendvıch-panelderin óndiretin zaýytty aralap kórdi
О́ndiristik keshen Almatynyń Indýstrııalyq aımaǵynda ornalasady. Joba aıasynda bir aýysymda 3 myń sharshy metrge deıin ónim shyǵarýǵa múmkindik beretin zamanaýı tehnologııalyq jeli satyp alynyp, paıdalanýǵa beriledi. Sendvıch-panelder órt jáne ekologııalyq qaýipsizdiktiń joǵary talaptaryna saı, kásiporynnyń ózinde óndiriletin mıneraldy jylý oqshaýlaǵysh materıaldardy qoldana otyryp daıyndalady. Bul ónimder mektepter, aýrýhanalar, turǵyn úıler jáne kommersııalyq nysandar qurylysynda paıdalanylady.
Jobanyń iske asýy Almatyny ǵana emes, eldiń ózge óńirlerin de otandyq qurylys materıaldarymen qamtýǵa jol ashady. Sonymen birge ımportqa táýeldilikti azaıtyp, qurylys naryǵyndaǵy jergilikti ónim úlesin arttyrý kózdelgen.
«Almaty Indýstrııalyq aımaǵyndaǵy jobalardy qoldaý qarjylandyrýdyń basym baǵyttarynyń biri. Bul joba qalanyń ónerkásibin damytýǵa serpin berip qana qoımaı, 33 jańa jumys ornyn ashady. Aldaǵy 7 jylda bıýdjetke shamamen 490 mln teńge salyq túsimi túsýi kútiledi», dedi Almaty Finance basqarma tóraǵasy Erlan Egemberdıev.
