«Jalpy, dıplomatııada qate qabyldanǵan sheshimniń quny tym joǵary. Ol memlekettiń uzaq merzimdi múddesine orny tolmas zııan keltirýi múmkin. Muny biz óz tájirıbemizden jaqsy bilemiz. Ekonomıkada bir baǵdarlamany nemese tujyrymdamany basqa qujattarmen almastyrýǵa bolady, ókinishke qaraı, bizde bul jıi kezdesedi. Al halyqaralyq sharttardaǵy qoltańbany keri qaıtaryp alý, ádette, múmkin emes. Qalammen jazylǵandy baltamen shappaısyń. Bizdiń túsinigimizde dıplomatııa – ymyra men kelisimge jetýdiń eń mańyzdy, tipti balamasy joq quraly. Ol qaqtyǵysqa nemese daýǵa aparatyn jol emes. Kez kelgen janjal shynaıy nıet pen kásibı biliktilik bolǵan jaǵdaıda eńseriledi», dedi Memleket basshysy.
Memleket basshysy jańa Parlamenttiń ataýyn «Quryltaı» dep ataýdy usyndy
Prezıdent sondaı-aq Ibrahım kelisimderine qosylý jónindegi sheshimniń mánine toqtaldy.
«Men Ibrahım kelisimderine qosylý týraly sheshim qabyldadym. Mundaı kelisimderdiń ózi – dıplomatııadaǵy tyń jańalyq. Ol Prezıdent Tramptyń tarıhı konteksti jáne qazirgi saıası shyndyqty tereń túsinýinen týyndady. Ibrahım kelisimderiniń Taıaý Shyǵysta ornyqty beıbitshilik ornatýǵa yqpal etetinine jáne bul sheshimniń durystyǵyna senimdimin», dedi Qasym-Jomart Toqaev.
Ortalyq Azııadaǵy rekord: Qazaqstannyń ishki jalpy ónimi 300 mlrd dollardan asty
Memleket basshysy bul kelisimniń ataýynyń ózinde tereń maǵyna bar ekenin atap ótti.
«Bul kelisimniń túpki mánin túsiný úshin onyń ataýyna nazar aýdarýymyz kerek. Avraam, ıaǵnı Ibrahım – ıýdaızm, hrıstıan jáne ıslam dinderine ortaq paıǵambar. Elimiz búkil adamzatty biriktiretin qundylyqtarǵa súıenýi tıis. Biz túrli halyqtar men din ókilderi arasynda tatýlyqtyń bolǵanyn qalaımyz. Sondyqtan bul kelisimge qosylýdyń mán-maǵynasy aıryqsha. Bul qadam elimizdiń halyqaralyq bedeline oń serpin beredi», dedi Prezıdent.
