Qoǵam • 20 Qańtar, 2026

Elimizde arnaıy Konstıtýsııalyq komıssııa qurylatyn boldy

2 mın

oqý úshin

Memleket basshysy Qasym-Jomart Toqaev Konstıtýsııalyq komıssııa qurý týraly sheshim qabyldady. Arnaıy Jarlyqqa erteń qol qoıady, dep habarlaıdy Egemen.kz.

Qyrmyzy JUMAǴALIQYZY

Elimizde arnaıy Konstıtýsııalyq komıssııa qurylatyn boldy

Foto: Ashyq derekkóz

Prezıdenttiń aıtýynsha, aldaǵy ózgerister 2022 jylǵy reformadan da aýqymdy bolmaq. Bul qadam is júzinde jańa Konstıtýsııa qabyldaýmen para-par.

«Jalpy, bastapqyda Parlamenttik reforma aıasynda Ata zańnyń 40-qa jýyq babyn ózgertý josparlanǵan edi. Alaıda jumys barysynda túzetýler sany áldeqaıda kóp ekeni belgili boldy. 2022 jylǵy reformada Ata zańnyń 33 baby jańarǵanyn bilesizder. Al, endigi ózgerister odan da aýqymdy. Biz, shyn máninde, jańa Konstıtýsııa qabyldaýmen para-par qadam jasaǵaly turmyz. Sondyqtan men Konstıtýsııalyq komıssııa qurý týraly sheshim qabyldadym. Arnaıy Jarlyqqa erteń qol qoıamyn», dedi Memleket basshysy.

Komıssııa quramyna 100-den astam azamat kiredi. Onyń ishinde Ulttyq quryltaı músheleri, belgili zańgerler, aqparat quraldary basshylary, aımaqtyq máslıhat tóraǵalary men qoǵamdyq keńes ókilderi jáne basqa da bilikti mamandar bolady.

«Bul jumysqa Konstıtýsııalyq sottyń tóraǵasy jetekshilik etedi. Komıssııa barlyq usynysty saraptap, qorytyp, naqty ózgeristerdiń jobasyn ázirleıdi. Sodan soń jalpyhalyqtyq referendým ótetin ýaqytty belgileımiz», dedi Qasym-Jomart Toqaev.

Memleket basshysy jańa Parlamenttiń ataýyn «Quryltaı» dep ataýdy usyndy

Buǵan deıin Memleket basshysy kisi qolynan qaza tapqan Nuraıdyń basynda bolǵan jaǵdaıǵa da asa mán berdi. Sonymen qatar Prezıdent Aral teńizi máselesine qatysty pikir bildirip, ony saqtaý búkil adamzat úshin ózekti mindet ekenin aıtqan bolatyn.

Memleket basshysy Ulttyq quryltaıdyń V otyrysynda Qazaqstan Respýblıkasy Vıse-prezıdenti ınstıtýtyn qurý jáne ony Konstıtýsııada tıisti túrde bekitý týraly aıtty.