«Qoldanystaǵy Parlamenttiń qyzmetin qamtamasyz etetin birqatar apparattyq qurylymmen birge Memlekettik keńesshi laýazymy da qysqartýǵa jatady», dedi Memleket basshysy Quryltaı otyrysynda sóılegen sózinde.
Eske salsaq, Memlekettik keńesshiniń mártebesi men ókilettigi týraly jarlyqqa Prezıdent 2022 jylǵy maýsym aıynda qol qoıǵan bolatyn. Qujatqa sáıkes, Memlekettik keńesshi respýblıkanyń laýazymdy tulǵasy sanalady, ony qyzmetke Prezıdent taǵaıyndaıdy jáne qyzmetten bosatady. Memlekettik keńesshi Memleket basshysynyń tikeleı basshylyǵymen jumys istep, soǵan esep beredi ári sonyń baqylaýynda bolady.
Bul qyzmetke memlekettik hatshy bolǵan Erlan Qarın taǵaıyndalǵan edi.
Qazirgi tańda Qyzylorda qalasynda Ulttyq quryltaıdyń V otyrysy ótip jatyr. Jıyn 12 qańtarda jarııalanǵan. Prezıdenttiń kómekshisi – baspasóz hatshysy Rýslan Jeldibaı buǵan deıin habarlaǵandaı, Quryltaı barysynda Memleket basshysy Qazaqstannyń aldaǵy damý baǵyttaryn aıqyndap, qoǵam ómirindegi ózekti máselelerge toqtalady.
