Jıyn aıasynda qoǵamdyq tártipti qamtamasyz etý men profılaktıkalyq jumystyń tıimdiligin arttyrýǵa baǵyttalǵan keshendi sharalar baıandaldy. Sonyń nátıjesinde tirkelgen qylmystardyń sany azaıyp, olardyń ashylý deńgeıi artqan. Atap aıtqanda, qoǵamdyq oryndarda jasalǵan qylmystar 20%, kóshelerdegi qylmystar 24% tómendegen. Al jol-kólik oqıǵalary saldarynan bolatyn ólim deńgeıi 25% kemigen.
Quqyq buzýshylyqtardyń aldyn alý maqsatynda patrýldeý baǵyttary qaıta qaralyp, jaıaý patrýlder sany artty. Profılaktıkalyq sharalardan keıin 11 oıyn-saýyq mekemesi óz qyzmetin toqtatty.
Polısııa departamenti ókilderiniń aıtýynsha, qala aýmaǵynda qazirgi tańda 198 myńnan astam beınebaqylaý kamerasy jumys isteıdi, onyń 41 myńnan astamy Jedel basqarý ortalyǵyna qosylǵan. Jol qozǵalysy qaýipsizdigin arttyrý maqsatynda 215 jaıaý júrginshi ótkelinde túngi ýaqytta jaryq beretin zamanaýı júıeler ornatyldy. Sondaı-aq «Argýs. Jaıaý júrginshi ótkeli» apparattyq-baǵdarlamalyq kesheni óziniń oń nátıjesin kórsetken. Jol-kólik oqıǵalaryn taldaý barysynda atalǵan keshendi taǵy 50 ýchaskege ornatý usynylyp, ol qala ákimdigi tarapynan qoldaý tapty.
Budan bólek, 2025 jyldyń sáýir aıynan bastap bes mobıldi «Ekin Patrol» kesheni paıdalanýǵa berilip, olardyń kómegimen 30 myńnan astam quqyq buzýshylyq anyqtalǵan. Kúndelikti qyzmette pılotsyz ushý apparattary da tıimdi qoldanylyp keledi. Drondarmen 17 qylmys ashylyp, 879 ákimshilik quqyq buzýshylyq tirkelipti.
Polısııa deregi: Alaıaqtardyń arbaýyna kóbinde kimder ilinedi?
