Palata ókili Janar Altaevanyń aıtýynsha, búginde elimizde bilim berý mekemeleri men óndiris oryndary arasynda baılanys kúsheıtilip jatyr. Ondaǵy maqsat – sapaly kadr daıarlaý. Jáne osyǵan baılanysty óńirlerde salalyq alıanstar qurylyp jatqanyn jetkizdi.
Tashkent tekstıl jáne jeńil ónerkásip ınstıtýtynyń dosenti, tehnıka ǵylymdarynyń doktory Malahat Ilhamova atalǵan salany damytý boıynsha О́zbekstan tájirıbesimen bólisti.
«Jeńil ónerkásip salasynda maman tapshylyǵy ózekti másele. Oqý bitirgen túlektiń bári fabrıkaǵa jumysqa bara bermeıdi. Onyń ústine jas mamanda tájirıbe az bolady. Sondyqtan mashyq qalyptystyrý úshin qala ákimine óndiristik parkter kerek degen usynys aıtqanbyz. Ol jerde stýdentter stanoktarda jumys istep úırener edi. Sheberligi de artady. Sol sebepti salalyq alıans qurý mańyzdy», dedi Shymkent qalalyq kreaktıvti ındýstrııa qaýymdastyǵynyń tóraıymy Janna Eltanova.
Sonymen jıyn qorytyndysynda jeńil ónerkásip salalyq alıansy quryldy. Ol úshin Kásipkerler palatasy, oqý oryndary men kásiporyndar ózara úshjaqty yntymaqtastyq memorandýmyna qol qoıdy. Ol aldaǵy eki jylda Jol kartasy aıasynda iske asyrylady. Mamandardyń aıtýynsha, atalǵan bastama megapolıstiń ekonomıkalyq damýyna, jeńil ónerkásip salasyndaǵy kadrlardyń biliktiligin arttyrýǵa yqpal etedi.
