Foto: Ǵylym jáne joǵary bilim mınıstrligi
Budan bólek, akademııalyq jobalarda qoldanylatyn zertteý ınstıtýttary men ýnıversıtetter janyndaǵy esepteý klasterleri de jumys isteıdi. Alaıda olardyń qýaty alǵashqy eki kompıýtermen salystyrǵanda az.
Asqar Jumadildaev: Sýperkompıýter kúrdeli esepti úsh saǵatta shyǵaryp beredi
Sarapshylardyń aıtýynsha,sýperkompıýter sekýndyna mıllıardtaǵan, tipti trıllıondaǵan operasııalardy oryndaı alady. Zor kólemdi derekterdi taldaıdy. Sýperkompıýter – kúrdeli modeldeýge, ǵylymı zertteýlerge, aýa raıyn boljaýǵa, JI jáne mashınalyq oqytý sekildi kóptegen mindetterdi oryndaýǵa arnalǵan asa qýatty esepteý qurylǵysy.
Qurylǵylar ámbebap bolǵanymen, árqaısyna júktelgen mindet bar. Mysaly, Alem.Cloud memlekettik organdarǵa, ǵylymı zertteýlerge jáne ulttyq strategııalyq jobalarǵa basymdyq berse, Al-Farabium kvazımemlekettik, kommersııalyq jáne eksportqa arnalǵan jobalardy qoldaýǵa baǵyttalǵan eken.
Sýperkompıýterlerdiń arqasynda mańyzdy derekter el ishinde saqtalyp, eldiń sıfrlyq táýelsizdigi nyǵaıady.
