Alaıaqtyqtyń jolyn kesetin baǵdarlama

Buǵan deıin de top bolyp erekshe balalardy qashyqtan oqytý baǵdarlamasyn jasa­ǵan jastar jańa baǵdarlama arqyly alaıaqtyqtyń aldyn keskisi keledi.

«Osyǵan deıin jasaǵan jobamyz ýnıversıtette uıym­dastyrylǵan sa­ıysta birinshi oryn alǵan. Al Nurbek ekeýmiz jasa­ǵan myna platforma veb-resýrstar men tólem bette­rin taldap, jalǵan saıttardy, kúmándi derekter engizý formalaryn jáne áleýmet­tik ınjenerııa belgilerin anyq­­taıdy. Kópdeńgeıli taldaý negizinde táýekel deńgeıi eseptelip, qorytyndy jasalady. Joba sıfrlyq qarjylyq operasııalar men ózara onlaın árekettesý­diń qaýipsizdigin arttyrýǵa baǵyttalǵan», deıdi Nurbol Ońalbekov.

Jobany kádimgi noýtbýkpen oblystyq Jastar ortalyǵynda ázirlegen. Onyń barysynda mentor­lary Almat Qýanyshbaev kóp keńes berip, jol siltepti. Osylaısha, aı ishinde da­ıyndalǵan ıntellektýaldy qorǵanys júıesiniń avtorlary jýyrda «InnoFest Qyzylorda» ınnovasııa­lyq jobalar festıvalinde 2-oryn­ǵa ıe boldy.

Joba avtorlary braý­zerlik kosymsha saıt­tyń qaýipti ekenin anyqtasa, dereý jaýyp tas­taıtynyn aıtady. Osydan keıin qoldanýshy ol saıtqa kire almaıdy. Qazir «syılyǵyńdy alyp ket» degen mazmundaǵy siltemeniń sońyn­da qajetti aqparat toltyrý, qarjy jibe­rýdi suraıtyndar jıilegen. Ondaı saıttardy osy qosymsha­nyń kómegimen tekserýge bolady.

Qazir jastar jobany jetildirý ústinde. Jańalyq­ty qulaǵy shalǵandar sura­nys berip te úlgeripti. Alda baǵ­darlama birneshe synaq­tan ótken soń alǵashqylar qatarynda oblystyq polısııa departamenti qoldanyp kórmek.

Qyzylorda