Sonymen qatar respýblıka aýmaǵynda tuman túsip, kóktaıǵaq bolady. Qazaqstannyń ońtústigi men ońtústik-shyǵysynda jel kúsheıedi.
Mańǵystaý oblysynyń soltústik-shyǵysynda túngi aýa temperatýrasy óte tómen bolyp, keı jerlerde -22 °C-qa deıin tómendeıdi.
Aıta keteıik, Aqmola oblysynyń batysy, soltústigi men shyǵysynda burqasyn bolady. Soltústik bóliginde tuman túsip, Kókshetaý qalasynda da túngi ýaqytta kóriný qashyqtyǵy tómendeýi múmkin.
Almaty oblysynda soltústik, ońtústik jáne taýly aýdandarda tuman túsip, joldarda kóktaıǵaq bolady. Sınoptıkterdiń málimetinshe, shyǵysta jeldiń ekpini 15-20 m/s-qa deıin jetýi yqtımal. Qonaev qalasynda túnde jáne tańerteń tuman túsip, júrgizýshilerge jolda abaı bolý eskertiledi. Almaty qalasynda da dál osyndaı jaǵdaı saqtalady.
Túrkistan oblysynyń batysy, ońtústigi men taýly aımaqtarynda kóktaıǵaq kútiledi. Sonymen qatar tuman túsip, jeldiń ekpini keı jerlerde 15-20 m/s-qa deıin kúsheımek. Túrkistan qalasynda da túngi jáne tańǵy ýaqytta kóriný nasharlaıdy.
Shymkentte tańǵy mezgilde tuman túsip, soltústik-shyǵystan soǵatyn jeldiń ekpini 15-20 m/s-qa jetýi múmkin.
Atyraý oblysynyń batysy men ońtústiginde tuman túsip, joldar kóktaıǵaq bolady. Qala turǵyndaryna da tańǵy ýaqytta saqtyq sharalaryn kúsheıtý usynyldy.
Qyzylorda oblysynyń ortalyq bóliginde tuman kútiledi. Jeldiń ekpini kúndiz 15-20 m/s-qa deıin kúsheımek.
Batys Qazaqstan oblysynda, sonyń ishinde Oral qalasynda kóktaıǵaq bolady. Jergilikti bılik pen tótenshe jaǵdaı qyzmetteri jol qaýipsizdigine erekshe nazar aýdarýǵa shaqyrdy.
Abaı oblysynyń Jarma aýdanynda ońtústik-shyǵystan soǵatyn jel 15-20 m/s-qa deıin kúsheıedi.
Ulytaý oblysynyń shyǵysy, ońtústigi men ortalyǵynda tuman túsip, Jezqazǵan qalasynda kóriný shekteledi.
Jetisý oblysynda Alakól kólderi mańynda jeldiń ekpini 17-22 m/s-qa deıin jetýi yqtımal.
Qostanaı oblysynyń batysy, soltústigi men shyǵysynda tuman kútiledi.
Mańǵystaý oblysynda tuman men kóktaıǵaq bolady. Túnde óńirdiń soltústik-shyǵysynda aýa temperatýrasy -20…-22 gradýsqa deıin tómendep, qatty aıaz saqtalady.
Soltústik Qazaqstan oblysynda qar jaýyp, burqasyn soǵady. Keı aýdandarda kúndiz qar jaýyp, boran bolýy yqtımal.
Jambyl oblysynda mezgil-mezgil tuman túsip, jeldiń ekpini 25 m/s-qa deıin kúsheıýi múmkin. Taraz qalasynda da tańǵy ýaqytta kóriný tómendeıdi.
Sınoptıkter turǵyndarǵa saparlaryn aldyn ala josparlaýǵa, jyly kıinýge jáne qaýipsizdik sharalaryn saqtaýǵa keńes beredi.
