pavon.kz
Baıanaýyldaǵy Toraıǵyr kóli qysqy serýendi unatatyndar úshin ashyq aspan astyndaǵy muz aıdyny retinde taptyrmas orynǵa aınaldy. Sý betindegi muz birkelki qatqany sonshalyq, oǵan baryp konkı tebýden lázzat alǵandar ózderiniń áserleri týraly áleýmettik jelide jarysa jarııalap jatyr. Mundaǵy muz óte berik ári móldir.
Toraıǵyr kóli – Jasybaı demalys aımaǵyna jaqyn jerde, áıgili aqyn Sultanmahmut Toraıǵyrovtyń kesenesi janynda ornalasqan. Jazda kól sýy bıik quzdy shyńdardyń túbinen tolqyndana jarysa shyǵyp, jaǵaǵa soǵylady. Tústik jıeginde úshkir basty bıik shyń Naızatas tur. Aqtar qazaqqa qysymshylyq kórsetken tarshylyq zamanda bul shyńnyń qatpar tastary arasyna Sáken Seıfýllın jasyrynyp, aman qalǵan. Kóldiń bir shetinde ashyq beti sýǵa qaraǵan Úńgirtas úńireıedi.
Toraıǵyrda elimizdiń Qyzyl kitabyna engen qyzylaǵash ósedi. Ertede ata-babamyz qandyaǵash talasa ósken taý baýraılarynda bulaq baryn bilgen. Negizi Qazaqstanda qandyaǵash Baıanaýyl men Qarqaralynyń taýly-ormandy alqaptarynda, Ereımentaý taýlarynda, Elek ózeni jaǵalaýynda, sondaı-aq Qostanaı oblysyndaǵy Qusmuryn mańynda kezdesedi, deıdi jer jaǵdaıyn jaqsy biletinder. Baıanaýyl taýlaryndaǵy bul aǵashtyń túri qandy qandyaǵash tıpine jatady. Qandyaǵashty park qyzmetkerleri ǵylymı ındıkator retinde paıdalanady. Jazǵyturym tómennen joǵary qaraı gúldese, jazdyń sýly, jańbyrly bolatynyn bildiredi. Al kerisinshe, joǵarydan tómen qaraı kóktese, aldaǵy jazda qýańshylyq kútip turǵanyn boljaı berýge bolady.
Pavlodar oblysy
