Foto: egemen.kz/Erlan Omar
Jumysynan aıyrylýǵa baılanysty ótken jyly 311,9 myń adamǵa tólem alǵash ret taǵaıyndalǵan.
Qoldanystaǵy zańnamaǵa sáıkes jumystan bosatylǵan jumyskerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin áleýmettik tólemder alady. Tólem joǵalǵan kiristiń 45%-yna deıingi mólsherde MÁSQ qarajaty esebinen júzege asyrylady.
Tólem taǵaıyndaý úshin jumystan bosatylǵan jumysker tómendegi áreketterdi oryndaý kerek:
- eGov.kz portalyna tirkelý;
- «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;
- Onlaın-qyzmetke tapsyrys berip, barlyq bos joldy toltyrý jáne oǵan ESQ-men qol qoıyp, ótinimdi jiberý qajet;
- Bir kún ishinde turǵylyqty jerińizdegi mansap ortalyǵy (MO) bos jumys oryndaryn usynady;
- Eger jumys tabylmasa, 3 jumys kúni ishinde qashyqtyqtan jumyssyz mártebesi beriledi (qajet bolǵan jaǵdaıda MO qyzmetkeri qosymsha aqparat jınaý úshin habarlasady);
Bul qyzmetti onlaın rejımde Elektrondyq eńbek bırjasy (enbek.kz) arqyly da alýǵa bolady.
Eńbek naryǵynyń erekshe býyny: О́zin-ózi jumyspen qamtý zaman talaby ma, álde amalsyzdyq pa?
Jumyssyz retinde tirkelseńiz mınıstrliktiń aqparattyq júıesi proaktıvti formatta MÁSQ-tan tólemdi taǵaıyndaý boıynsha mobıldi telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Osy qadamdar oryndalǵan jaǵdaıda tólem avtomatty túrde taǵaıyndalady.
