Prezıdenttiń Ulttyq quryltaıda aıtylǵan tapsyrmalaryn oryndaý sheńberinde teńizdi saqtaý jónindegi sharalar týraly Úkimet otyrysynda sý resýrstary jáne ırrıgasııa mınıstri Nurjan Nurjigitov baıandady.
Onyń aıtýynsha, sý az bolǵan kezde de turaqty sý aǵynyn qamtamasyz etý týraly О́zbekstanmen Respýblıkasymen kelisimge qol qoıylǵan. Soltústik Araldyń kólemi 2023 jyldyń basyndaǵy 18,4 mlrd tekshe metrden qazirgi ýaqytta 23 mlrd tekshe metrge deıin ulǵaıdy.
Kókaral bógetin rekonstrýksııalaý jáne sý deńgeıin 44 metrge deıin kóterýdi qamtıtyn teńizdi saqtaý jónindegi jobanyń ekinshi kezeńin ázirleý aıaqtaý satysynda tur.
Túrkistan jáne Qyzylorda oblystaryndaǵy sýarý júıelerin jańǵyrtý jáne avtomattandyrý boıynsha 167 jobalyq-smetalyq qujattama ázirlenýde. Sý únemdeý tehnologııalary 143,1 myń gektar jerge engizildi, bul shamamen 500 mln tekshe metr sý únemdeýge múmkindik berdi.
«Soltústik Aral teńizin saqtaý jáne qalpyna keltirý biz úshin tek ekologııalyq qana emes, áleýmettik jáne strategııalyq mindet bolyp sanalady. Únemdelgen sý resýrstarynyń bir bóligin ekojúıelerdi qoldaýǵa baǵyttaý – óńirdiń turaqtylyǵyna, halyq densaýlyǵyna jáne kelesi urpaqtardyń bolashaǵyna qosylǵan úles», dep atap ótti mınıstr.Prezıdent: Aral teńizin qutqarý adamzat úshin ózekti másele bolyp qala beredi
