Foto: Aqorda
Partııanyń málimdeýinshe, Qasym-Jomart Toqaev bastaǵan saıası modernızasııa baǵytyndaǵy reformalar - memlekettiń turaqtylyǵyn nyǵaıtýǵa baǵyttalǵan. Olar óz kezeginde bılik ınstıtýttarynyń jaýapkershiligin kúsheıtip, qoǵamdaǵy ádilet, tártip pen eseptilik talaptaryna jaýap beredi.
«Memleket basshysy usynǵan bir palataly Parlamentke kóshýdi Respublica logıkalyq qadam dep sanaıdy. Sebebi, onda zań shyǵarý jyldamdyǵy men sapasy artady, depýtattardyń jeke jáne partııalyq jaýapkershiligi kúsheıedi, fýnksııalardyń qaıtalanýy joıylady. Munda mańyzdysy depýtattar sany emes, kásibı deńgeıi, ashyqtyǵy men qoǵammen naqty baılanysy», delingen partııa málimdesinde.
Sondaı-aq, partııanyń Saıası partııalardyń rólin kúsheıtýde 5paıyzdyq saılaý barerin saqtap, proporsıonaldy júıeni qoldaıtyny aıtylǵan. Buǵan qosa, Parlamentte arnaıy kvotalardan bas tartyp, Parlament – ákimshilik taǵaıyndaýlar alańy emes, ıdeıalardyń saıysy alańy bolýy tıis.
Al Halyq Keńesi - ınstıtýsıonaldyq dıalog ınstıtýty, radıkalızasııa men kóshedegi qysymdy azaıtatyn mehanızm ekeni aıtylǵan, ony partııa uzaq merzimdi sheshimder qabyldaýdyń quraly retinde qoldaıdy. Mundaǵy senimniń negizgi faktory – Halyq Keńesiniń naqty yqpaly men jumys ashyqtyǵy.
«Respublica Vıse-prezıdent ınstıtýtyn - basqarý júıesiniń turaqtyq elementi, bılik ókilettiginiń sabaqtastyǵy quraly, daǵdarys jaǵdaıynda basqarý múmkindigin arttyrý tásili retinde qaraıdy. Partııa úshin Vıse-prezıdent ókilettikteriniń Konstıtýsııamen naqty belgilenýi prınsıpıaldy», delingen partııa málimdemesinde.
Partııa pragmatıkalyq tásildi tolyq qoldaıtynyn atap ótedi. Mundaǵy basty nazardy energetıkalyq táýelsizdikke aýdaryp, kómir, gaz, GES realızmge baǵyttalyp, ınfraqurylym – ósý negizi bolýy tıis dep esepteıdi. О́ıtkeni energııa, logıstıka, basqarýsyz sıfrlyq memlekettiń de, ádil ekonomıkanyń da bolýy múmkin emes.
Respublica saıası modernızasııanyń tereńdeýin qoldap, kez kelgen ózgeris naqty eseptilik, ashyqtyq pen azamattyq múdde qorǵalýymen júrýi tıis dep esepteıdi. Partııa zańnamalyq bastamalardy jetildirýge belsendi qatysýǵa jáne jańa saıası arhıtektýrada ádiletti, myqty ári turaqty Qazaqstan múddesi úshin jumys isteýge daıyn.
