Basqosýǵa «Amanat» partııasy fraksııasynyń jetekshisi Elnur Beısenbaev, «Aýyl» partııasy fraksııasynyń jetekshisi Serik Egizbaev, «Respublica» partııasy fraksııasynyń jetekshisi Aıdarbek Qojanazarov, «Aq jol» partııasy fraksııasynyń jetekshisi Azat Perýashev, Qazaqstan Halyq partııasy fraksııasynyń jetekshisi Magerram Magerramov, Jalpyulttyq sosıal-demokratııalyq partııasy fraksııasynyń jetekshisi Ashat Raqymjanov jáne Prezıdenttiń Parlamenttegi ókildiginiń basshysy Ámirbek Ospanbekov qatysty.
Memlekettik keńesshi bir palataly jańa Parlamentke kóshý bastamasyna qatysty negizgi tásilderdi qalyptastyrýǵa belsene atsalysqany úshin partııa fraksııalaryna rızashylyq bildirdi. Erlan Qarınniń aıtýynsha, byltyrǵy kúzden beri júrgizilip kele jatqan konstıtýsııalyq reformany ázirleý isi memlekettiń ınstıtýsıonaldyq negizderin odan ári jańǵyrtýda aıryqsha mańyzdy.
Sondaı-aq Memlekettik keńesshi Ulttyq quryltaıdyń Qyzylordada ótken otyrysynyń basymdyqtaryna erekshe toqtaldy.
«Quryltaıdyń bul jolǵy otyrysy da, Prezıdenttiń baǵdarlamalyq sózi de tarıhı turǵydan úlken mánge ıe. Memleket basshysynyń saıası ınstıtýttardy tereń transformasııalaý bastamasy túbegeıli jańa konstıtýsııalyq modelge qadam basqanymyzdy aıǵaqtaıdy», dedi Erlan Qarın.
О́z kezeginde fraksııa jetekshileri Prezıdent bastamalaryn tolyq qoldap, konstıtýsııalyq reformaǵa qatysty jumysty belsendi túrde jalǵastyrýǵa daıyn ekenderin aıtty.
