Sýretti túsirgen – Mádı ǴUBAIDÝLLIN
Qardan jasalǵan Aqordanyń bıiktigi – 160 sm, uzyndyǵy 5 metr, eni 3 metr shamasynda. Bul jańalyq áleýmettik jeli arqyly keń tarap, Nádirdiń budan buryn da jasaǵan týyndylaryn halyq eske alyp jatyr. Aıta keteıik, Nádir Armanuly ótken jyldary Oraldaǵy ortalyq meshit ǵımaratyn, polısııanyń qyzmettik kóligin, basqa da qar músinderin jasaǵan. Ol áleýmettik jelidegi óz paraqshasynda músinniń jasalý jolyn da kórsetip, tájirıbesin dostaryna taratyp otyrady.
Sheber jigit bul joly nege elimizdiń bas keńsesi – Aqorda ǵımaratyn tańdaǵan eken? «Buǵan el Prezıdentiniń jastarǵa úndeýi sebep boldy», deıdi ol.
«Memleket basshysy sózinde «Bolashaq – jastardyń qolynda» dep atap ótetin. Osy oraıda jastardyń ozyq ıdeıalaryn, qolynan is te keletinin qar músinimen dáleldegim keldi. Bolashaqta metall qaldyqtaryn da kádege jaratyp, túrli músin jasaǵym keledi. 2022 jyly óz betimshe kólik qurastyra bastadym. Kóliktiń aldyńǵy bólikterin daıyndap, oǵan qozǵaltqysh ornattym. О́kinetinim, qarjy tapshy bolyp, bul isim aıaqsyz qaldy. Jasaǵan kólik bólshekterin satyp jiberdim. Biraq osy jobamdy qaıta qolǵa alyp, maqsatyma jetkim keledi», deıdi Nádir.
Sheber jigittiń óneri jyldan-jylǵa jetilip, damyp keledi. Mysaly, bıylǵy Aqorda músinine ornatylǵan jaryqsham túnde jarqyrap, ǵımarattyń sánin odan ári arttyryp tur.
Batys Qazaqstan oblysy
