Sýret: freepik.com
Alaıda jyl saıyn atalǵan baǵdarlamamen sábı súıgen áıelder sanynyń azaıǵany baıqalady. Oblystyq densaýlyq saqtaý basqarmasynyń deregine qaraǵanda, 2021 jyly – 154, 2022 jyly – 131, 2023 jyly – 98, al 2024 jyly 84 áıel ana baqytyna bólenipti.
«Byltyr «Ańsaǵan sábı» baǵdarlamasy boıynsha EKU prosedýrasynan ótken 44 áıeldiń júktiligi tirkeldi. Qazir atalǵan baǵdarlamaǵa qatysqan áıelderdiń kópshiligi dárigerlerdiń turaqty baqylaýymen emdeý, ońaltý kezeńinen ótip jatyr», dep habarlady basqarmanyń baspasóz qyzmeti.
Al oblystyq perınataldyq ortalyqta 36 jastaǵy áıel altynshy perzentine jaryq ómir syılady. Bir ereksheligi, sábıdiń salmaǵy – 5,8 kg, boıy 61 santımetr. Onyń salmaǵy men boıy óńirdegi ortasha statıstıkalyq kórsetkishten joǵary ekeni tirkelip otyr.
Júkti áıel bastapqyda ortalyqtaǵy júktilik patologııasy bólimshesine jatqyzyldy. Ýltradybystyq zertteý qorytyndysymen sábıdiń salmaǵy shamamen 6,5 kg bolýy múmkin ekenine boljam jasaldy. Mundaı salmaqtaǵy sábıdi ota arqyly aman alyp qalýǵa bolady. Sol sebepten, júkti áıelge kesar tiligimen ota jasaýǵa sheshim qabyldandy.
«Ota sátti ótti. Ana men bala dárigerlerdiń turaqty baqylaýyna alyndy. Qazir olardyń jaǵdaıy jaqsy», dep habarlady ortalyqtyń baspasóz qyzmeti.
Atyraý oblysy
