Urpaq aldyndaǵy jaýapkershilik

Jarkent meshiti men Almaty­daǵy Voznesensk kafedraldy sobory – halqymyzdyń mádenı ár­alýandyǵy men ózara tatýlyǵyn aıshyqtaıtyn biregeı sáýlet eskertkishteri. Bıyl Mádenıet jáne aqparat mınıstrligine qaras­ty «Qazqaıtajańartý» RMK Jarkent meshitine ǵylymı restav­rasııa jumystaryn júr­gizýdi jos­parlap otyr.

Sondaı-aq Memleket basshysy Qarataý petroglıfterine, Qyzylorda óńirindegi Saýys­qan­dyq pen Túrkistan oblysyndaǵy Arpaózeninen tabylǵan jalpy sany 17 myńǵa jýyq petroglıfke erekshe nazar aýdardy. Tórt myń jyldyq tarıhy bar tańbaly tastar halqymyzdyń rýhanı tamyrynyń tereńde jatqanyn dáleldeıdi. Prezıdent osy syndy qundy tarıhı eskertkishter men ulttyq dástúrlerdiń IýNESKO-nyń Búkilálemdik mura­lar tizi­mine engizilýine ábden laıyq ekenin aıtyp, quzyrly organ­darǵa naqty tapsyrma júk­tedi.

Bul turǵyda atalǵan mekeme 50 jyldan astam ýaqyt boıy el aýmaǵyndaǵy tarıhı-mádenı eskertkishterdi saqtaý men qaıta jańǵyrtý isine qyzmet etip keledi. Osyny negizge ala otyryp, kásibı biliktilikti ushtastyryp, al­daǵy ýaqytta atalǵan nysandar­dy IýNESKO tizimine engizýge atsalysýǵa daıynbyz.

О́ıtkeni mekeme elimizdegi Qoja Ahmet Iаsaýı kesenesi syndy birqatar nysandy IýNESKO talaptaryna saı restavrasııalaý, ǵylymı zertteý jáne zerdeleý jumystaryn júrgizý boıynsha biregeı tájirıbe jınaqtaǵan.

Ujym Memleket basshysynyń Quryltaıda atap ótken tarıhı-máde­nı muralardy saqtaý, qal­py­na keltirý jáne ǵylymı tur­ǵy­da zertteý jónindegi bastamalaryn iske asyrý baǵytynda júıe­li jumys júrgizip kele­di. Atalǵan eskertkishterdi qorǵaý – tek ótkenge taǵzym ǵana emes, bola­shaq urpaq aldyndaǵy ortaq jaýap­ker­shiligimiz.

Oljas ShARIIаZDANOV,

«Qazqaıtajańartý» RMK bas dırektory, tarıh ǵylymdarynyń kandıdaty