Sýret: shakarim.university
Bul – jekelegen bastamalar jıyntyǵy emes, memlekettiń aldaǵy damýyn aıqyndaıtyn tutas logıka: ınstıtýttardyń sapasy, jaýapkershilik pen turaqtylyq. Elimizdiń ornyqtylyǵy ortalyqta ǵana emes, eń aldymen óńirlerde qalyptasady. Tabıǵı resýrstardy basqarý, sý qaýipsizdigi, ınfraqurylym, áleýmettik sala men adam kapıtaly máseleleri dál osy jerde toǵysady. Reformalardyń shynaıy tıimdiligi de eń aldymen óńirlerde synalady.
Prezıdent sý resýrstary, ekologııa, energetıka, aýyl sharýashylyǵy men ınfraqurylym máselelerine erekshe nazar aýdardy. Bul baǵyttar búginde salalyq sheńberden shyǵyp, ulttyq qaýipsizdik pen azamattardyń ómir sapasyna tikeleı áser etetin faktorlarǵa aınaldy. Olardy tıimdi sheshý jergilikti deńgeıde kásibı kadrlar, sapaly derekter jáne ǵylymı saraptama bolǵan jaǵdaıda ǵana múmkin bolady. Osy turǵyda óńirlik ýnıversıtetterdiń róli túbegeıli artady.
Qazirgi ýnıversıtet – qyzmet kórsetýshi qurylym emes, aýmaqtyń zııatkerlik ortalyǵy. Ol qoldanbaly sheshimder kózine, naqty ekonomıkaǵa qajetti kadrlardy daıarlaıtyn jáne jaýapty azamattyq sanany qalyptastyratyn ınstıtýtqa aınalýǵa tıis. Ǵylym óńirdiń naqty mindetterin sheshýge baǵyttalyp, bilim damý úderisterimen tikeleı baılanysta bolýy kerek.
Prezıdent atap ótken ınstıtýsıonaldyq bastamalar – Konstıtýsııalyq komıssııa qurý, saıası júıeni jańǵyrtý – birtutas basqarý arhıtektýrasyn qalyptastyrýǵa baǵyttalǵan. Munda quqyq, jaýapkershilik pen tıimdilik memlekettik basqarýdyń negizgi qaǵıdattaryna aınalady.
Aldymyzdaǵy mindet – memlekettik basymdyqtardy, óńirlik syn-qaterlerdi, ǵylym men bilimdi bir júıege biriktire otyryp, turaqty sheshimder qalyptastyrý, el bolashaǵyna qajetti kadrlardy daıarlaý. Kelesi kezeńde – jarııalanǵan strategııalyq baǵyttardy jaýapkershilikpen iske asyryp, ıaǵnı olardyń zańdarda, ınstıtýttarda, ýnıversıtetterde, sondaı-aq elimizdiń árbir óńirinde naqty nátıjeler arqyly kórinýi kerek.
Dýman ORYNBEKOV,
Shákárim ýnıversıtetiniń rektory
