Jyrtqysh ań Bókebaı fılıalyna qarasty Shadrýhın ormanshylyǵy aýmaǵynda josparly tekseris barysynda baıqalǵan. Rezervat qyzmetkerleri sileýsindi vıdeoǵa túsirip alǵan.
Jetisý aýmaǵynda sırek kezdesetin jyrtqysh fototuzaqqa túsip qalǵan
Sileýsinder negizinde túnde belsendi bolǵandyqtan, adamdardyń kózine óte sırek túsedi. Sondyqtan sileýsindi kórip qalǵan sátter jıi bola bermeıdi. Mamandardyń aıtýynsha, sileýsinniń bul aýmaqta bolýy orman ekojúıesiniń saý ári tirshilikke qabiletti ekenin kórsetedi. Al jyrtqyshtyń ańshylyq qabileti tabıǵı tepe-teńdikti saqtaýda mańyzdy ról atqarady.
Katonqaraǵaı tabıǵı parkinde sırek kezdesetin qus fototuzaqqa túsip qaldy
«Rezervat aýmaǵynda ań aýlaýǵa qatań tyıym salynǵan. Mundaı qorǵaý sharalary tabıǵı baılyqtardy saqtaýǵa jáne sırek kezdesetin janýar túrleriniń qaýipsizdigin qamtamasyz etýge múmkindik beredi. Árbir tiri aǵza – orman ekojúıesiniń ajyramas bóligi, al olardy qorǵaý – barshamyzdyń ortaq mindetimiz», dep eske saldy «Semeı ormany» rezervatynyń ákimshiligi.
Aıta keteıik, buǵan deıin Mańǵystaý óńirindegi Ústirt jazyǵynda ornatylǵan fototuzaqtar dala mysyǵyn túsirip alǵan edi.
