«Vashıngton post» gazeti jazǵandaı, AQSh-qa emıgrasııamen baratyndar sanynyń tómendeýine Meksıkamen aradaǵy shekaranyń jabylýy, vıza berýdiń shektelýi, kóship kelýshilerge kórsetiletin kómekterdiń toqtatylýy áser etken. Osynyń bári Aq úı basshysy Donald Tramp júrgizgen saıasatynyń nátıjesi.
Resmı statıstıka boıynsha ótken jyly Qurama shtattarǵa 10 myń men 295 myń arasynda adam kóship barǵan. Sonymen birge AQSh-tyń Kóshi-qon jáne keden departamentiniń zańsyz júrgen azamattardy ustap, elden shyǵarý jumystary da emıgranttar sanyn kúrt azaıtqan. Sarapshylar keleshekte kóship baratyndar sanynyń tómendeýi AQSh-tyń ekonomıkasy men demografııasyna keri áserin tıgizetinin málimdedi.
AQSh ımmıgrasııalyq vızalar berýdi ýaqytsha toqtatty: Qazaqstan tizimge endi
Sondaı-aq Qurama shtattarǵa kiretin adamdardy shekteý jumys kúshiniń jetispeýshiligine, óńirlik ónim kóleminiń azaıýyna, tutynýshylyq qabilettiń tómendeýine ákep soqtyratynyn aıtty. Osy oraıda ekonomıster 2026 jyly AQSh-qa emıgrasııa jasaıtyndar byltyrǵy kezben salystyrǵanda áldeqaıda tómen bolatynyn boljap otyr. Sarapshylar dereginshe aldyńǵy prezıdent Djo Baıden tusynda AQSh-qa jylyna 2-3 mln adam kósh túzeıtin bolǵan. Bul Amerıkanyń Kovıd-19 pandemııasynan keıin tez aıaqqa turyp ketýine járdemdesken. Osy rette D.Tramptyń qazirgi kóshi-qon saıasaty emıgrasııa máselesinde jańa betburysty kezeń retinde qabyldanady.
AQSh vıza berý tártibin qatańdatty: Sozylmaly aýrýlary bar ótinish berýshilerge talap kúsheıdi
