Foto: medpomosh.ru
Atalǵan jaǵdaıǵa baılanysty Jambyl oblysy ákimdiginiń baspasóz qyzmeti aqparat taratty. Belgili bolǵandaı, balalardyń jasy 12-17 jas aralyǵynda. Olardyń barlyǵy kúresten oqý-jattyǵý jıynyna qatysý úshin Qyzylorda oblysynan kelgen.
«Aýrýhanaǵa jatqyzylǵandarǵa qoıylǵan aldyn ala dıagnoz – etıologııasy anyqtalmaǵan gastroenterıt (asqazan men jińishke ishektiń shyryshty qabyǵynyń qabynýy). Aýrýdyń sebebin anyqtaý úshin naýqastardan jáne taǵam ónimderinen zerthanalyq synamalar alyndy. Zertteý nátıjelerin kútip otyrmyz», dep habarlady ákimdik.
Pavlodarda bir top búldirshin balabaqshada ushynyp, aýrýhanaǵa tústi
Qazirgi ýaqytta oblystyq sanıtarııalyq-epıdemıologııalyq baqylaý departamenti men aýdandyq polısııa bólimi tekserý júrgizip jatyr. Oqıǵa ornyna oblys ákiminiń orynbasarlary Aıjan Esmaǵambetova men Serik Sálemov bardy.
Aýrýhanaǵa jatqyzylǵan balalardyń jaǵdaıy qanaǵattanarlyq. Lagerdegi qalǵan balalar medısınalyq tekserýden ótti, olardan aýrý belgileri anyqtalǵan joq. Jalpy demalys aımaǵynda 103 jas sportshy jáne 13 jattyqtyrýshy bolǵan.
Aıta keteıik, 2025 jyly qazan aıynda Arqalyqta toıǵa barǵan 85 adam astan ýlanyp, aýrýhanaǵa túsken bolatyn.
