Tergeý materıaldaryna sáıkes, kolledj stýdentteriniń biri Telegram messendjeri arqyly belgisiz kýratormen baılanysyp, «jasyrýshy-kýrer» jáne «qoıma» mindetterin atqarýǵa kelisken. Onyń mindetine berilgen koordınattar boıynsha esirtkini alý, saqtaý, bólip oraý, tasymaldaý jáne qala aýmaǵyndaǵy jasyryn oryndarǵa ornalastyrý kirgen. Aıyptalýshy kúnine shamamen 30 qaptama jasyrǵan.
Petropavlda sıntetıkalyq esirtki satýmen aınalysqan kúdikti ustaldy
Qarjylyq monıtorıng agenttiginiń málimetinshe, ol Taılandtan Qazaqstanǵa halyqaralyq poshta arqyly esirtki jetkizýdi uıymdastyrǵan. Osy maqsatta ol 400 myń teńge syıaqy úshin Telegram arqyly kámeletke tolmaǵan dropperdi tartyp, poshtany onyń atyna rásimdegen. Kúdikti poshtany alý kezinde ustalyp, 909 gramm kannabıs ekstrakty tárkilengen. Tintý barysynda onyń turǵylyqty jerinen qosymsha 80 gramm esirtki tabylǵan. Sonymen qatar, uıaly telefondy tekserý kezinde bir kún buryn birneshe qaptamany jasyrǵany anyqtalǵan. Berilgen koordınattar boıynsha taǵy 3,34 gramm kannabıs ekstrakty tárkilendi.
Páter emes, esirtki qoımasy: Jaldamaly páterde psıhotroptyq zattardy saqtaǵan turǵyn ustaldy
Sot úkimimen aıyptalýshy 15 jyl merzimge bas bostandyǵynan aıyryldy. Úkim zańdy kúshine engen joq.
Osydan úsh kún buryn Qaraǵandyda esirtki taratýmen aınalysqan kýrerler ustalǵanyn habarlaǵan edik.
