«Sheshim álemdik deńgeıde qabyldanady, munda bir adamnyń nemese bir federasııanyń jeke sheshimi bolýy múmkin emes. Jánibek Álimhanuly WBO men IBF nusqalary boıynsha álem chempıony. Bul onyń eki bedeldi halyqaralyq uıymnyń sportshysy ekenin bildiredi.
Bul uıymdarda: zańdyq komıssııalar, medısınalyq saraptama júıeleri, sportshylardyń quqyqtaryn qorǵaýdyń naqty tetikteri bar. Sondyqtan sheshim barlyq dálelder men qujattar qaralǵannan keıin, tek erejeler men zańdar aıasynda qabyldanady. Kásibı boksta dál osylaı bolýy kerek, emosııaǵa emes, faktiler men reglamentke súıený qajet», dep jazdy maman óziniń Instagram paraqshasynda.
Jeltoqsan aıynyń basynda Álimhanulynyń dopıng synamasynan tyıym salynǵan zat – meldonıı anyqtalǵan bolatyn. Sonyń saldarynan onyń kýbalyq boksshy Erıslandı Laraǵa qarsy úsh álem chempıony tıtýly úshin ótýi tıis birikken jekpe-jegi ótpeı qaldy.
8 qańtarda boksshy komandasynyń talaby boıynsha B synamasy ashylyp, onyń nátıjesi de dál osyndaı bolǵany belgili boldy. Atalǵan is boıynsha tyńdaý endi 23 qańtarda ótedi.
