Aımaqtar • 22 Qańtar, 2026

Túrkistan oblysynda K-21 kanaly 40 jyl tazalanbaǵan

40 ret

kórsetildi

1 mın

oqý úshin

Túrkistan oblysy Jetisaı aýdanyndaǵy eń iri kanaldardyń biri sanalatyn K-21 kanaly úsh aýyldyq okrýgtegi 20 myń gektar sýarmaly jerdi sýmen qamtamasyz etedi. Búginde arnaıy tehnıkanyń kómegimen kanaldyń barlyq 22,8 shaqyrymy tolyq tazartylǵan. Aýdan ákimdiginiń málimetinshe, mundaı aýqymdy jumys sońǵy 40 jyldan astam ýaqyt ishinde alǵash ret júrgizilip otyr, dep habarlaıdy Egemen.kz.

Ǵalymjan ELShIBAI

Túrkistan oblysynda K-21 kanaly 40 jyl tazalanbaǵan

Uzyndyǵy 18,5 shaqyrym bolatyn K-34 kanalynda tómengi bóliktegi 7,5 shaqyrym ýchaskeni tazalaý josparlanǵan. Vegetasııa kezeńinde bul bólikte sýdy jetkizýde qıyndyqtar týyndaıtyn. Endi ony tazalaý jumystary tolyq kólemde aıaqtaldy. Al uzyndyǵy 28,2 shaqyrym bolatyn K-25 kanaly Jetisaı aýdanyndaǵy úsh aýyldyq okrýgtiń 13 myń gektar jerin sýarmaly sýmen qamtamasyz etedi. Qazirgi tańda munda 10 shaqyrym ýchaskede mehanıkalyq tazalaý jumystary júrgizilip jatyr.

ShQO-da sýarý kanaly tazartyldy

Taldykólde tazartý jumystary júrgizildi

Sý resýrstary jáne ırrıgasııa mınıstri Nurjan Nurjigitov aýdanǵa jumys sapary barysynda «Qazsýshar» fılıaldaryn jańa ári zamanaýı arnaıy tehnıkamen qamtamasyz etý boıynsha shamamen 600 tehnıka jetkizilgenin, josparlanǵan jobalardy sapaly iske asyrý úshin barlyq jaǵdaı jasalǵanyn aıtty. Kanaldardy tazalaý jumystary vegetasııa kezeńi bastalǵanǵa deıin aıaqtalýy tıis.