Oqıǵa • 22 Qańtar, 2026

Bogdanovıch muzdyǵynda qar kóshkini júrýi múmkin

20 ret

kórsetildi

1 mın

oqý úshin

Kishi Almaty ózeni alabynda ornalasqan Bogdanovıch muzdyǵynda jáne «Shymbulaq» kýrorttyq aýmaǵynda qar kóshkini qaýpi joǵary bolyp tur. Bul týraly «Ile-Alataýy» memlekettik ulttyq tabıǵı parki málimdedi, dep habarlaıdy Egemen.kz.

Shyńǵys MUQAEV

Bogdanovıch muzdyǵynda qar kóshkini júrýi múmkin

Foto: instagram.com/ ile_alatau_nationalpark

Ulttyq park málimetinshe, Bogdanovıch muzdyǵy erekshe qorǵalatyn tabıǵı aýmaqqa jatady jáne qoryqtyq rejım qoldanylatyn ekologııalyq turaqtandyrý aımaǵynda ornalasqan.

Shymbulaqtaǵy qar kóshkinine shańǵyshylar sebepshi bolǵan

«Erekshe qorǵalatyn tabıǵı aýmaqtar týraly» zańnyń 45-babyna sáıkes, bul aýmaqta retteletin ekologııalyq týrızmnen ózge sharýashylyq jáne rekreasııalyq qyzmet túrlerine tyıym salynady.

«Meteorologııalyq jaǵdaıdyń qolaısyzdyǵyn, qar jamylǵysynyń qalyńdyǵyn jáne kóshkin qaýpi bar ýchaskelerdiń bolýyn eskere otyryp, atalǵan aýmaqtarda týrıster men azamattardyń júrýi olardyń ómiri men densaýlyǵyna qaýip tóndirýi múmkin», delingen habarlamada.

Almaty oblysynyń Tótenshe jaǵdaılar departamenti turǵyndarǵa, týrısterge, júrgizýshilerge qaýipsizdik sharalaryn saqtaýdy eskertti.