Sýret: dknews.kz
Qujattyń avtory – bedeldi ulybrıtanııalyq depýtat Maıkl German («Eýropa úshin lıberaldar men demokrattar alıansy» partııasynyń múshesi). Deklarasııaǵa EKPA-nyń ártúrli saıası fraksııalarynyń 21 múshesi qol qoıdy. Málimdemede Qazaqstannyń aýqymdy demokratııalyq reformalardy iske asyrýǵa degen ózgermes ustanymy joǵary baǵalanyp, elimizdiń demokratııalyq basqarýdy damytý, adam quqyqtaryn qorǵaý jáne zań ústemdigin nyǵaıtý salalarynda óńirlik kóshbasshy mártebesin bekite túsetini atalyp ótti.
Qazaqstannyń saıası basshylyǵynyń demokratııalyq transformasııany ilgeriletý maqsatynda qabyldaǵan mańyzdy qadamdaryn, sonyń ishinde konstıtýsııalyq jáne zańnamalyq reformalardy, sondaı-aq ólim jazasyn joıýyn qoldady.
Sondaı-aq Qazaqstan men Eýropa Keńesi arasyndaǵy sot júıesin reformalaý, sybaılas jemqorlyqqa qarsy is-qımyl, adam quqyqtaryn ilgeriletý jáne demokratııalyq ınstıtýttardy nyǵaıtý sııaqty negizgi baǵyttar boıynsha yntymaqtastyq erekshe nazarǵa alyndy. Bul óz kezeginde, naqty nátıjelerge qol jetkizýge, elimizdiń óńirdegi demokratııalyq damýdyń úlgisi retindegi rólin kúsheıtýge yqpal etti.
Qujat elimizde júzege asyrylyp jatqan demokratııalyq transformasııany qoldaýǵa, sondaı-aq demokratııa, adam quqyqtary jáne zań ústemdigi sııaqty ortaq qundylyqtardy ilgeriletý maqsatynda yntymaqtastyqty odan ári damytýǵa járdemdesýge shaqyrady.
