Tórt farmasevtıkalyq zaýyt salynady

Úkimet farmasevtıkalyq óndiris­terdi lokalızasııalaý boıynsha Den­saýlyq saqtaý mınıstrligi men «AltINFARM» JShS, «MSP-ROMFARM» JShS, «Abdı Ibragım Global farm» JShS jáne «Nobel Almaty farmasevtıka fabrıkasy» AQ arasynda ınvestısııalar týraly kelisimder jasasýdy maquldady. Bekitilgen jobalarǵa tartylǵan ınves­tısııalardyń jalpy kólemi – 173 mlrd teńge. Premer-mınıstr Oljas Bektenov tıisti qaýlylarǵa qol qoıdy.

Jobalardy júzege asyrý arqyly áleýmettik mańyzy bar dárilik zattardy qosa alǵanda, 356 dári-dármek túriniń óndirisin lokalızasııa­laý kózdelgen. О́ndiristik jeli onko­lo­gııa­lyq aýrý­lar men qant dıabetin emdeý­ge arnalǵan dárilerdi, son­daı-aq ­ımmýnobıologııalyq, vırýsqa qarsy, antıanemııalyq, aýyrsynýdy basatyn, qabynýǵa qarsy, sýyq tııý­ge qarsy, sondaı-aq mıkrobtarǵa qarsy preparattardy qamtıdy. Jańa kásiporyndar Almaty qalasynda, Túrkistan men Almaty oblystarynda ornalasady.

Atap aıtqanda, «AltINFARM» JShS jobasy boıynsha farmasevtıkalyq zaýytty Almaty qalasyndaǵy «In­novasııalyq tehnologııalar parki» arnaıy ekonomıkalyq aımaǵynda salý kózdelip otyr. Investısııa kóle­­­mi – 58,5 mlrd teńge. Joba aıasynda 54 dárilik zat túrin shyǵarý jos­­­­parlanǵan, onyń 35-i – áleýmettik mańyzy bar preparattar. О́ndiristik port­­­­felge ımmýnobıologııalyq preparattar, sondaı-aq onkologııalyq aýrýlar men qant dıabetin emdeýge arnalǵan dári-dármekter kiredi. Joba aıasynda 60 jańa jumys ornyn ashý kózdelgen. Strategııalyq seriktester retinde «Sinopharm», «Sinovac» jáne «Kangtai Biological Technology» kompanııalary qatysady.

«Nobel Almaty farmasevtıka fab­­­­­rıkasy» AQ jobasy sondaı-aq Almatyda halyqaralyq GMP standarttaryna sáıkes belsendi farmasevtıkalyq ıngredıentterdi, dárilik zattar men bıopreparattar óndirýge arnalǵan farmasevtıkalyq keshen salýdy kóz­­­­dep otyr. Investısııa kólemi – 39,2 mlrd teńge. 53 dárilik zat shyǵarý jos­­­­­par­­­­­lan­ǵan, onyń ishinde 17-si – áleýmettik mańyzy bar. Joba aıasynda keminde 200 jumys ornyn ashý kózdelgen. Stra­­te­­gııa­lyq seriktes – «Nobel İlaç».

«Abdı Ibragım Global farm» JShS jobasy aıasynda Almaty oblysynda kópsalaly óndiristik jelileri bar farmasevtıkalyq keshen qurý kózdelgen. Investısııa kólemi – 39 mlrd teńge. 76 dárilik zat shyǵarý josparlanǵan, onyń ishinde vırýsqa qarsy preparattar, II tıpti qant dıabetin emdeý­ge arnalǵan dári-dármekter jáne antıanemııalyq preparattar bar. Joba aıasynda keminde 150 jumys orny ashylady. Strategııalyq seriktes – «Abdi Ibrahim».

«MSP-ROMFARM» JShS jobasy boıynsha ınvestısııalardyń jalpy kólemi 36,7 mlrd teńge bolatyn joǵary tehnologııaly farmasevtıkalyq zaýytty Túrkistan oblysyndaǵy TURAN arnaıy ekonomıkalyq aımaǵynda, Almaty oblysyndaǵy óndiristik alańdarda salý kózdelgen. Joba aıasynda 101 dárilik zat, onyń ishinde aýyr­synýdy basatyn, qabynýǵa qarsy, sýyq tııýge qarsy, sonymen qatar, mıkrobtarǵa qarsy preparattar óndirý josparlanǵan. Shamamen 265 jumys orny ashylady. Jobanyń seriktesteri – «World Medicine» jáne «Rompharm» kompanııalary.

Investısııalyq jobalardy júzege asyrý sheńberinde barlyǵy shamamen 675 jańa jumys orny ashylady. Zaýyttar qurylysy, olardy iske qosý otandyq dárilik zattar óndirisiniń úlesin aıtarlyqtaı arttyrýǵa, farmasevtıka naryǵyndaǵy ımportqa táýeldilikti azaıtýǵa, dári-dármekpen qamtamasyz etý júıesiniń turaqtylyǵyn nyǵaıtýǵa, halyqty otandyq óndiristiń sapaly ári qoljetimdi dári-dármekterimen qamtýǵa múmkindik beredi. Bul dári-dármek qaýipsizdigin arttyrý men densaýlyq saqtaý júıesiniń turaqtylyǵyn kúsheı­týdiń mańyzdy elementteriniń birine aınalady.