Foto: Turizm jane sport ministrligi
Jalpykomandalyq esepte top jardy
Azııa chempıonatynyń qorytyndysy boıynsha bizdiń mergender 14 medal (5 altyn, 4 kúmis, 5 qola) oljalap, jalpykomandalyq esepte birinshi orynǵa ıe boldy.
Úsh álemdik jáne úsh Azııa rekordy
Týrızm jáne sport mınıstrliginiń málimetinshe, jarys barysynda Edýard Eshenko, Adel Sadaqbaeva, Eleonora Ibragımova úsh álemdik jáne úsh Azııa rekordyn jańartqan.
Altynnan alqa taqqandar
El quramasynan Adel Sadaqbaeva, Qazaqstan áıelder komandasy (Adel Sadaqbaeva, Olga Haılova, Ásem Orynbaı), Qazaqstan erler komandasy (Maksım Pochıvalov, Vladıslav Zavodılenko, Artem Revkov), Qazaqstan áıelder komandasy (Eleonora Ibragımova, Anastasııa Prılepına, Nargıza Sarmanova) jáne Qazaqstan erler komandasy (Denıs Krıvenko, Anton Belskıı, Egor Sarev) altynnan alqa taǵyp, Ánuranymyzdy shyrqatty.
Kúmis jáne qola
Al Edýard Eshenko, Maksım Pochıvalov, Maksım Bedarev, Eleonora Ibragımova kúmispen kúptelse, Olga Haılova, Qazaqstan erler komandasy (Ratmır Enıkeev, Edýard Eshenko, Ilıa Penkov), Qazaqstan aralas komandasy (Edýard Eshenko, Ásem Orynbaı), Vladıslav Zavodılenko jáne Denıs Krıvenko qola júldeni qanaǵat tutty.
Úzdik nátıjemen aıǵaqtady
Osylaısha, mergender úzdik nátıjesimen sary qurlyq básekesinde elimizdiń stend atý sportyndaǵy áleýetin kórsetip, Qazaqstandy Azııadaǵy kóshbasshy elderdiń biri ekenin aıǵaqtady.
Qazirgi ýaqytta Qazaqstannyń Sporttyq atý federasııasyn elimizdiń Bas prokýrory Berik Asylov basqarady.
