Basqosý barysynda taraptar elimizdegi kreatıvti ındýstrııany damytý keleshegin, memleket pen halyqaralyq jetekshi tehnologııalyq kompanııalar arasyndaǵy yntymaqtastyqty keńeıtý múmkindikterin talqylady. Aıda Balaeva «Yandex Qazaqstan» kompanııasynyń sıfrlyq jáne kreatıvti ekojúıelerdi damytýdaǵy mańyzdy rólin sóz etip, ınnovasııalyq jobalar men talanttardy qoldaýǵa qosqan úlesin atap ótti.
Kezdesýde Kreatıvti ındýstrııany damytý qorynyń qyzmetine erekshe nazar aýdaryldy. Qordyń negizgi jumys baǵyttary, onyń ishinde jobalardy jedel damytý men qoldaý, kreatıvti bastamalardy júzege asyrý, ınfraqurylymdy damytý men otandyq kreatıvti ónimderdi halyqaralyq naryqqa shyǵarý talqylandy. Sonymen qatar «Yandex Qazaqstan» kompanııasy Qordyń strategııalyq seriktesi retinde qarastyrylyp otyr.
Jıyn qorytyndysynda taraptar uzaqmerzimdi ári júıeli seriktestikke múddeli ekenin aıtyp, kreatıvti ekonomıka men sıfrlyq tehnologııalar salasynda baılanys ornatýǵa nıetti ekendigin jetkizdi.
