Foto: ashyq derekkóz
«Bazalyq zeınetaqynyń eń tómengi mólsheri 35 596 teńgeni quraıdy – bul eń tómengi kúnkóris deńgeıiniń 70%-y. Al eń joǵary mólsheri kúnkóris deńgeıiniń 110%-ynan 118%-yna deıin ulǵaıtylyp, 60 005 teńgege jetti», delingen habarlamada.
Sonymen qatar, 2018 jylǵy 1 shildeden bastap memlekettik bazalyq zeınetaqy tólemi árbir alýshyǵa zeınetaqy júıesine qatysý ótilin eskere otyryp, jeke tártippen taǵaıyndalady.
«Zeınetaqy júıesine qatysý ótiline 1998 jylǵy 1 qańtarǵa deıingi yntymaqty júıede jınaqtalǵan eńbek ótili, sondaı-aq mindetti zeınetaqy jarnalary tólengen kezeńder engiziledi», dep túsindirdi mınıstrlik.
Eger zeınetaqy júıesine qatysý ótili 10 jyl nemese odan az, ne múlde bolmasa, bazalyq zeınetaqynyń mólsheri kúnkóris deńgeıiniń 70%-yna teń bolady. Al 10 jyldan asqan árbir jyl úshin onyń mólsheri 2%-ǵa ulǵaıady. Mysaly, qatysý ótili 20 jyl bolǵan jaǵdaıda bazalyq zeınetaqy kúnkóris deńgeıiniń 90%-yn quraıdy. 30 jyl jáne odan da kóp ótil kezinde ol eń joǵary mólsherde – kúnkóris deńgeıiniń 110%-y kóleminde belgilenedi.
El turǵyndary zeınetaqy qarjysyn shyǵaryp alýdyń jańa tásilin tapty
«Eger bir aı ishinde Biryńǵaı jınaqtaýshy zeınetaqy qoryna mindetti zeınetaqy jarnalary birneshe ret aýdarylsa, jınaqtaýshy júıege qatysý kezeńi bir aı retinde esepteledi», dep eskertti mamandar.
Osylaısha, mindetti zeınetaqy jarnalary qanshalyqty turaqty ári tolyq kólemde tólense, zeınet jasyna jetkende bazalyq zeınetaqy tóleminiń mólsheri de soǵan sáıkes joǵary bolady.
«Al jasyna baılanysty zeınetaqy tólemderiniń mólsheri 1998 jylǵy 1 qańtardaǵy jaǵdaı boıynsha eńbek ótiline (keminde alty aı bolýy qajet) jáne zeınetaldy kezeńde alynǵan ortasha aılyq tabysqa baılanysty», dep atap ótti Eńbek jáne halyqty áleýmettik qorǵaý mınıstrligi.
Mınıstrdiń orynbasary Vıktorııa Shegaı 2026 jylǵy 22 qańtarda Senat otyrysynda Mońǵolııamen zeınetaqy jınaqtaryna qatysty ratıfıkasııalanǵan kelisim saldarynan BJZQ-ǵa túsýi múmkin qosymsha júkteme týraly pikir bildirdi.
Zeınetaqy jınaǵy esebinen emdelý múmkindigi qashan qaıta beriledi?
