Atalymdar sany boıynsha «Kúnáharlar» fılmi dara shyqty. Kartına birden 16 atalymǵa usynylyp, «Oskar» tarıhyndaǵy rekordty jańartty. Buǵan deıin mundaı kórsetkishke jetken fılmder saýsaqpen sanarlyq edi.
«Úzdik fılm» atalymynda on týyndy baq synaıdy. Olardyń qatarynda «Býgonııa», «F1», «Frankenshteın», «Hamnet», «Keremet Martı», «Urystan urysqa», «Qupııa agent», «Sezimge baı qundylyq», «Kúnáharlar» jáne «Poıyzdar túsi» bar. Sarapshylardyń pikirinshe, bul tizim sońǵy jyldardaǵy eń janrlyq ári taqyryptyq turǵydan árkelki irikteýlerdiń biri.
Erler arasyndaǵy basty ról nomınasııasynda Tımotı Shalame «Keremet Martı» fılmi úshin, Leonardo Dı Kaprıo «Urystan urysqa» lentasyndaǵy rólimen, Itan Hoýk «Kógildir Aı» arqyly, Maıkl B. Djordan «Kúnáhar» fılmindegi oıynymen jáne Vagner Moýra «Qupııa agent» kartınasyndaǵy beınesimen úmitker atandy.
Ekinshi plandaǵy úzdik akter atalymynda Benısıo del Toro men Shon Penn «Bıtva za bıtvoı» fılmi úshin, Djeıkob Elordı «Frankenshteın», Delroı Lındo «Kúnáhar», Stellan Skarsgard «Sezimge baı qundylyq» týyndysymen usynyldy.
Áıelder arasyndaǵy basty rólge Djessı Baklı «Hamnet», Roýz Bırn «Qoldan kelse, bir teber em», Keıt Hadson «Arman áýezi», Renate Reınsve «Sezimge baı qundylyq», Emma Stoýn «Býgonııa» fılmderi arqyly talasady.
