Foto: depositphotos.com
«2025 jylǵa arnalǵan memlekettik qyzmetter kórsetý sapasyn qoǵamdyq monıtorıngteý nátıjeleri týraly esep» derekterine sáıkes, memlekettik áleýmettik tapsyrys (MÁT) aıasynda jergilikti atqarýshy organdar kórsetken memlekettik qyzmetterdiń ortasha sapa baǵasy 4,86 baldy qurap, joǵary kórsetkish tirkeldi. Jergilikti atqarýshy organdar qyzmetine qoıylǵan baǵa deńgeıi 86,7%-ǵa jetti. Atalǵan eki kórsetkish te aldyńǵy jyldarmen salystyrǵanda joǵary boldy.
Elimizdiń 20 óńiriniń 17-sinde qyzmet kórsetý sapasy 4,80-den 4,93 balǵa deıin joǵary baǵalansa, qalǵan 3 óńir «ortashadan joǵary» degen baǵaǵa ıe boldy.
Oljas Bektenov: Shaǵyn bıznesten túsetin barlyq salyq túsimi ákimdikterdiń ıeliginde qalady
Memlekettik áleýmettik tapsyrys aıasynda qyzmet kórsetý sapasy boıynsha Qaraǵandy oblysynyń ákimdigi kósh bastady. О́ńirdiń atalǵan baǵyttaǵy baǵasy – 4,93 ball.
Ekinshi orynǵa 4,93 balmen Aqmola oblysynyń ákimdigi ornalasyp, jergilikti atqarýshy organdar qyzmeti 92,7% kórsetkishke qol jetkizdi.
Úzdik úshtikti Shyǵys Qazaqstan oblysy 4,92 balmen túıindedi. JAO jumysyna qanaǵattaný deńgeıi – 92,6%-ǵa baǵalanǵan.
Alǵashqy bestikke Shymkent qalasynyń (4,91 ball) jáne Ulytaý oblysynyń (4,9 ball) ákimdikteri endi.
Al reıtıngtiń sońǵy oryndarynda Mańǵystaý (20-oryn), Soltústik Qazaqstan (19-oryn) jáne Qyzylorda (18-oryn) oblystarynyń jergilikti atqarýshy organdary ornalasqan. Bul óńirlerdiń memlekettik qyzmetter kórsetý sapasy «ortashadan joǵary» deńgeıde baǵalanǵan.
Budan bólek, «Elektrondy úkimet» portalyndaǵy saýalnama negizinde JAO kórsetetin memlekettik qyzmetterge onlaın-monıtorıng júrgizildi. Onlaın-monıtorıng nátıjeleri boıynsha JAO-nyń ortasha baǵasy – 4,92 ball, al tolyq qanaǵattaný deńgeıi 90,6%-dy qurady. Bul kórsetkishter oflaın-saýalnama nátıjelerinen sál joǵary bolyp shyqty.
Ákimdikter turǵyn úı kómegin kórsetý tetikterin halyqqa keńinen túsindirýi kerek
finprom.kz dereginshe, onlaın-monıtorıng qorytyndysy boıynsha barlyq óńir joǵary baǵaǵa qol jetkizgen. Reıtıngtiń kóshbasshy oryndaryn Qostanaı oblysy (4,98 ball jáne 96,6% tolyq qanaǵattaný), Shyǵys Qazaqstan oblysy (4,98 ball jáne 96,5% tolyq qanaǵattaný) jáne Batys Qazaqstan oblysy (4,98 ball jáne 89,6% tolyq qanaǵattaný) ıelendi.
Reıtıngtiń sońǵy oryndarynda Almaty qalasynyń ákimdigi (4,83 ball), sondaı-aq Jambyl (4,85 ball) jáne Ulytaý (4,85 ball) oblystarynyń ákimdikteri ornalasqan.
Sondaı-aq keshendi baǵalaý maqsatynda onlaın-monıtorıng pen MÁT aıasyndaǵy baǵalaý derekterin biriktire otyryp ta qorytyndy shyǵaryldy. Jalpy baǵa eki zertteý ádisi kórsetkishteriniń arıfmetıkalyq ortasha máni retinde esepteldi.
Keshendi baǵalaý qorytyndysy boıynsha reıtıngtiń alǵashqy úsh ornyna myna óńirlerdiń jergilikti atqarýshy organdary ıe boldy:
-
Shyǵys Qazaqstan oblysy (4,95 ball);
-
Aqmola oblysy (4,94 ball);
-
Qostanaı oblysy (4,94 ball).
Al sońǵy oryndarǵa Qyzylorda oblysynyń (4,84 ball), Astana qalasynyń (4,84 ball ) jáne Jambyl oblysynyń (4,84 ball) jergilikti atqarýshy organdary jaıǵasty.
