foto: «Ksell» AQ baspasóz qyzmeti
Kcell kompanııasy 20 jyldan astam ýaqyt boıy alaıaqtyqqa qarsy (antıfrod) ınfraqurylymdy júıeli túrde damytyp keledi. Kompanııanyń mamandandyrylǵan bólimshesi 2004 jyldan beri táýlik boıy jumys isteıdi, al alaıaqtyq shemalardy anyqtaýǵa arnalǵan ónerkásiptik júıe (Fraud Management System) 2008 jyldan bastap qoldanylady.
2024 jyly bul júıe tolyqtaı jańartyldy. Sonymen qatar operator qoldanatyn SMS-faıervoldar men arnaıy qorǵanys júıeleri kúmándi trafıkti abonentke jetpeı jatyp-aq súzgiden ótkizedi.

2022 jyldan bastap otandyq nómirlerdi bógde qosymshalar arqyly ıemdenip alý áreketterine tosqaýyl qoıatyn qural iske qosyldy. Sondaı-aq zańsyz («sur») trafık baǵyttaryn anyqtap, buǵattaıtyn testilik qońyraýlar servısi jumys isteıdi.
2025 jyly antıfrod-júıe anomaldy belsendilikke qatysty 66 myńnan astam sıgnaldy óńdedi, olardyń 87%-y alaıaqtyq bolyp shyqty. 2024 jyly shamamen 2,8 mln kúmándi qońyraý buǵattalsa, 2025 jyly bul kórsetkish 2 mln-nan asty.
Almatyda alaıaqtyqqa qatysy bar 17,6 myń ınternet-resýrs buǵattaldy
Abonentterdi qosymsha qorǵaý úshin Kcell jelisinde alaıaq nómirlerdi avtomatty anyqtaý servısi qoldanylady, ony operatordyń qosymshasy arqyly iske qosýǵa bolady. Derekqor kún saıyn kompanııanyń jeke analıtıkasy men seriktester derekteri negizinde jańartylyp otyrady. Bul paıdalanýshylardy kiris qońyraý kezinde arnaıy belgi arqyly eskertýge múmkindik beredi.
«Tek baılanys operatorlary, bankter men memlekettik organdardyń tyǵyz ózara is-qımyly arqyly azamattardy qorǵaýdyń shyn máninde tıimdi júıesin qurýǵa bolady. Bizdiń mindetimiz – qaýip-qaterge áreket etý ýaqytyn qysqartý jáne abonentterdiń sıfrlyq ortada ózin qaýipsiz sezinýi úshin barynsha jaǵdaı jasaý», dedi «Ksell» AQ basqarma tóraǵasy Asqar Jambakın.
Alaıaqtardyń aılasy ózgerdi: Endi aqshany «kýrer» bolyp alyp ketedi
Prokýratýramen birlesken jumys aıasynda alaıaqtar jappaı qońyraý shalý úshin qoldanatyn 49 SimBox jáne SimBank qurylǵysy tárkilenip, 28 kúdikti qolǵa tústi. Osy jyldyń qańtar aıynda Almaty qalasynda sheteldik alaıaqtardyń call-ortalyǵy áshkerelendi.
Polısııa deregi: Alaıaqtardyń arbaýyna kóbinde kimder ilinedi?
2024 jyldyń jazynda qurylǵan Ulttyq banktiń Antıfrod-ortalyǵy baılanys operatorlary, qarjy sektory jáne memlekettik organdar arasyndaǵy úılestirýdiń negizgi alańyna aınaldy. 2025 jyldyń sońynda Kcell antıfrod-ortalyqtyń suranymdaryn óńdeýge qosylyp, derektermen avtomattandyrylǵan almasýdy engize bastady.