Donald Tramptyń Eýropalyq odaqtastarǵa qatysty ımporttyq baj salyǵyn engizbeý týraly málimdemesine qaramastan, baǵaly metaldyń qarqyny basylar emes. Sarapshylardyń paıymynsha, bul sheshim Grenlandııaǵa qatysty ramalyq kelisimmen baılanysty. Atalǵan kelisimniń egjeı-tegjeıi áli tolyq jarııalanǵan joq. Danııa bıligi araldyń egemendigi máselesi talqylanbaǵanyn málimdedi.
Altynmen qatar kúmis (96,5 dollar) pen platına (2 601 dollar) da óz rekordtaryn jańartty.
Ulttyq banktiń 22 qańtardaǵy resmı derekterine sáıkes, Qazaqstanda 1 gramm altynnyń baǵasy 79 185,42 teńgeni quraıdy. 9 qańtardan beri altynnyń 1 grammy shamamen 6 700 teńgege qymbattaǵan.
2025 jyldyń III toqsanynyń qorytyndysy boıynsha Ulttyq bank ekinshi deńgeıli bankter men jekelegen banktik emes aıyrbastaý pýnktterine jalpy salmaǵy 438,4 kelini quraıtyn 8 302 ólshemdi altyn quımasyn satty. Satý kóleminiń basym bóligi Almatyǵa (71%), Astanaǵa (7%) jáne Qaraǵandy oblysyna (6%) tıesili. Halyq arasynda eń kóp suranysqa ıe quıma – 10 grammdyq altyn, onyń úlesi jalpy satylymnyń 26%-yn quraıdy.
Ulttyq banktiń málimetinshe, altyn quımalary – ınvestısııalaýdyń senimdi quraly.
Goldman Sachs pen J.P. Morgan sekildi álemdik qarjy alpaýyttary altynnyń baǵasy 2026 jyldyń sońyna qaraı ýnsııasyna 5000 – 5400 dollarǵa deıin jetedi dep boljap otyr.
