Ekonomıka • 23 Qańtar, 2026

Bıyl stýdentterdiń shákirtaqysy arta ma?

30 ret

kórsetildi

1 mın

oqý úshin

2020 jyldan bastap shákirtaqy kólemi jyl saıyn ulǵaıyp, bastapqy deńgeımen salystyrǵanda eki esege artqan. Qazirgi shákirtaqy mólsheri ótken jylmen salystyrǵanda 20%-ǵa joǵary. Bul týraly Ortalyq kommýnıkasııalar qyzmetinde ótken brıfıngte Joǵary jáne joǵary oqý ornynan keıingi bilim komıtetiniń tóraǵasy Gúljan Jarasova aıtty, dep jazady Egemen.kz.

Dana MYRZAQADIR

Bıyl stýdentterdiń shákirtaqysy arta ma?

Foto: egemen.kz/Erlan Omar

Stýdenttik járdemaqylardy mindetti túrde ındeksteýdi kózdeıtin zańnamalyq normalar bolmaǵanyna qaramastan, bılik jastarǵa kórsetiletin qarjylyq qoldaý deńgeıin arttyrý týraly sheshim qabyldaǵan.

Qazir bakalavrıat boıynsha bilim alyp jatqan stýdentter 52 myń teńgeden astam shákirtaqy alady. Al bolashaq dárigerler men pedagogter úshin aı saıynǵy tólem mólsheri shamamen 84 myń teńgege deıin ulǵaıtylǵan. Magıstranttardyń shákirtaqysy odan da joǵary, shamamen 117 myń teńge, al doktoranttarǵa aı saıyn 262 myń teńgege jýyq qarjy tólenedi.

Aıta keteıik, 2026 jyldan bastap «Bolashaq» shákirtaqysyn taǵaıyndaý erejeleri ózgerip, úmitkerlerdi irikteý tetigi kúsheıtilip, basymdyq jaratylystaný-tehnıkalyq baǵyttarǵa beriledi.