Qaraǵandy oblystyq sport basqarmasynyń basshysy Serik Sápıev óziniń áriptesimen keleńsiz jaǵdaıǵa tap boldy. Oqıǵa 21 qańtar kúni Qaraǵandy qalasyndaǵy Buqar jyraý dańǵylynda bolǵan.
Beıresmı derekterge sáıkes, Sápıevtiń orynbasary basshynyń ruqsatynsyz qujattarǵa qol qoıǵan.
Sóıtip basshy men orynbasardyń ortasynan ot shyqqan. Sápıev dene jaraqatyn alyp, kostıými men kóılegi jyrtylǵan.
Jaǵdaıǵa baılanysty oblystyq polısııa departamenti málimdeme jasady.
«Qaraǵandy qalasynyń 42 jastaǵy turǵynynyń aryzy negizinde uryp-soǵý deregi boıynsha qylmystyq is qozǵaldy. Anyqtalǵandaı, 21 qańtar kúni qaladaǵy sport keshenderiniń biriniń ǵımaratynda eki er adam arasynda janjal shyqqan. Qazirgi ýaqytta polısııa qyzmetkerleri oqıǵanyń barlyq mán-jaıyn anyqtap jatyr», delingen habarlamada.
