Foto: Ashyq derekkóz
Otbasylyq tárbıeleý formalaryna kóshýge baılanysty qorǵanshylyq jáne qamqorshylyq organdaryndaǵy mamandar sany 3,3 esege ulǵaıyp, 303 qyzmetkerden 1028 mamanǵa deıin artty. Bul mamandar árbir otbasyna jeke kómek kórsetip, balalardyń ómir súrý jáne tárbıelený jaǵdaılaryn jan-jaqty zerdelep otyrady.
Bazadaǵy qatelik: Abaı oblysynda jetim balany baspanasyz qaldyrdy
2025 jyldan bastap qamqorshylarǵa jyl saıyn keshendi tekserýden ótý mindetteldi. Olar tabys kózderin rastap, densaýlyq jáne turǵyn úı jaǵdaıynyń sáıkestigin jáne sottylyǵynyń joqtyǵyn dáleldeıdi. Eger zańdy ókil buryn sottalǵan bolsa nemese psıhonevrologııalyq, narkologııalyq dıspanserdiń esebinde turǵan bolsa qamqorshylyq mindetinen dereý shettetiledi.
Qaraǵandyda 82 jetim bala men júzdegen muqtaj janǵa páter berildi
Balalardy qoldaýdyń balamaly tetigi retinde tálimgerlik ınstıtýty da júıeli túrde damyp keledi. Búginde elimizdiń 20 óńirinde 360-tan astam tálimger bar. О́tken jyly tálimgerler úshin mindetti kásibı sertıfıkattaý engizildi. Bala eń aldymen jaqyn týystaryna ornalastyrylady.
Elimizde jetim jáne ata-anasynyń qamqorlyǵynsyz qalǵan 20 798 bala bar, olardyń 82%-y otbasylarda tárbıelenip jatyr.
